Noardlân (arsjipel)
From Wikipedia, the free encyclopedia
Noardlân of Noardlâneilannen (Russysk: Северная Земля; Severnaja Zemlja; "Noardelik Lân"), oant 1926 Nicolaas II-lân (Земля Николая II; Zemlja Nikolaja II) neamd, is in arsjipel yn de Noardlike Iissee, tusken de Karasee yn it westen en de Laptevsee yn it easten. It wurdt troch de Strjitte Vilkitski skieden fan it Tajmyr-skiereilân op de fêste wâl fan Midden-Sibearje. De arsjipel bestiet út fjouwer grutte en in stik as santich lytsere eilannen, dy't mei-inoar in oerflak hawwe fan sa'n 37.000 km² (bytsje grutter as Belgje). Bestjoerlik binne se in part fan it mânske gemeentlike distrikt Tajmyrski fan de Russyske kraj Krasnojarsk.
![Thumb image](http://upload.wikimedia.org/wikipedia/commons/thumb/7/72/Severnaya_Zemlya-nl.svg/320px-Severnaya_Zemlya-nl.svg.png)
![Thumb image](http://upload.wikimedia.org/wikipedia/commons/thumb/2/29/SevernayaZemlya.jpg/640px-SevernayaZemlya.jpg)