From Wikipedia, the free encyclopedia
Nes is ien fan de doarpen yn 'e gemeente It Hearrenfean. It doarp leit mei de bebouwing oan Akkrum, sadat meast sprutsen wurdt oer Akkrum-Nes. It doarp leit op it plak dêr't de Nesker Sylroede op de Boarn útkomt. De namme, dy't yn 1243 foar it earst neamd wurdt, hat it krigen fan de punt lân tusken dizze twa wetters. Under it doarp falle ek de buorskippen Bokkum, Burstum, Pean en Soarremoarre.
| Nes (It Hearrenfean) | ||
 | ||
| Wettertoer | ||
| Emblemen | ||
 _wapen.svg) | ||
| Bestjoer | ||
| Lân |  Nederlân | |
| Provinsje |  Fryslân | |
| Gemeente |  It Hearrenfean | |
| Sifers | ||
| Ynwennertal | 1.025 (1 jannewaris 2023)[1] | |
| Oerflak | 8,43 km², wêrfan - lân: 7,87 km² - wetter 0,56 km² | |
| Befolkingsticht. | 132 ynw./km² | |
| Oar | ||
| Tiidsône | UTC +1 | |
| Simmertiid | UTC +2 | |
| Koördinaten | 53° 03' N 5° 51' E | |
 | ||
| Kaart fan Akkrum-Nes | ||
| Offisjele webside | ||
| Side Akkrum-Nes | ||
| Kaart | ||
  | ||
It doarp hat 1.025 (1 jannewaris 2023)[2] ynwenners.
,_ruïne_konvint_fan_Nes.jpg)
Nes is ûntstien op in terp oan de noardkant fan de Boarn, eastlik fan de Nesker Sylroede. Op dy terp stie fan 1228 oant 1580 it Nesker Konvint, in kommanderij fan de Dútske Oarder. Nei de ynfiering fan de reformaasje ferfoel it gebou. Yn de 18e iuw wie dat sa slim wurden dat men om 1800 hinne de klok oerbrocht nei in apart klokhús. Op de terp binne no allinnich noch it klokhús en it tsjerkhôf oer.
Oant yn de 19e iuw lei it grutste part fan it doarp yn de hoeke tusken Boarn en Sylroede westlik fan de terp by de Neskersyl. Akkrum en Nes leine oarspronklik likernôch oardel kilometer fan inoar ôf. Yn de 20e iuw hat der in grutte útwreiding west oan de súdkant fan de Boarn en oan it begjin fan de 21e iuw is oan de westkant fan de Sylroede de grutte útwreiding Boarnstee byboud. Tsjintwurdich is der gjin iepen romte mear tusken Nes en Akkrum.
Oant de gemeentlike weryndieling fan 1984 hearde Nes by de eardere gemeente Utingeradiel. Dêrnei makke it plak diel út fan de gemeente Boarnsterhim en sûnt 2014 fan de gemeente It Hearrenfean.
Nes docht in soad yn 'e mande mei it westlik oangrinzgjende doarp Akkrum en hat sûnt 1950 in mienskiplik doarpsbelang. Nes en Akkrum hawwe ek in mienskiplike Mulfyfunksjonele Akkomodaasje. Sûnt 2019 hat it doarp mei Akkrum in doarpskeamer.
It ferieningslibben fan Nes is mienskiplik mei Akkrum.
| Jier | 1840 | 1913 | 1954 | 1959 | 1964 | 1969 | 1973 | 1999 |
|---|---|---|---|---|---|---|---|---|
| Ynwenners | 98 | 198 | 205 | 195 | 202 | 168 | 163 | 199 |
| Jier | 2002 | 2005 | 2010 | 2015 | 2020 | |||
| Ynwenners | 575 | 1000 | 1107 | 1086 | 1060 |
(Boarnen: 1840: Plaatsengids.nl; 2015 en 2020: Alle Cijfers)
Nes leit oan de âlde Leppedyk en de A32, dêr't it lykwols allinnich oer de N392 ferbining mei hat. De A32 giet hjir ûnder it Leppe-akwadukt troch om't ek de Boarn troch Nes rint. Dy rivier komt út it easten fan Aldeboarn en rint nei it westen nei Akkrum. Yn it doarp giet fan de Boarn de Nesker Sylroede troch de Neskersyl nei it noarden, nei de Peanster Ie en fierder nei Grou.
_Fr_NL_(2).jpg)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
