From Wikipedia, the free encyclopedia
Nadezjda Yakovlevna Mandelstam, famkesnamme Hazin, (Saratov, 31 oktober 1899 - Moskou, 29 desimber 1980) wie in Russysk dissidinte skriuwster en frou fan de dichter Osip Mandelstam.
Nadezjda Mandelstam | ||
![]() | ||
![]() | ||
Nadezjda Mandelstam (1925) | ||
persoanlike bysûnderheden | ||
echte namme | Nadezjda Yakovlevna Mandelstam | |
nasjonaliteit | ![]() | |
berne | 31 oktober 1899 | |
berteplak | Saratov | |
stoarn | 29 desimber 1980 | |
stjerplak | Moskou | |
wurk | ||
taal | Russysk | |
sjenre | autobiografy |
Mandelstam waard grut yn in Joadske famylje yn Kiev, dêr't hja keunstskiednis studearre.
Yn 1921 troude hja mei Osip Mandelstam. Osip waard yn 1934 arrestearre en tegearre waarden sy ferballe, fanwegen syn epigram mei in foar Stalin misledigjende ynhâld.
Nei Osips twadde arrestaasje en ferstjerren yn in trochfierkamp yn 1938 liede hja in swalkjend bestean om oanhâlding foar te kommen; regelmjittich feroare hja fan adres en wurk. Hja seach it as har libbenstaak om Osip syn poëzij te bewarjen foar de neiteam.
Nei Stalins dea koe Mandelstam werom nei Moskou (1956) en publisearre se har twadielige memoires, yn 't earstoan allinne yn it Westen. De oantinkens binne in epyske analyse fan har libben en tige kritysk oer it ferfal fan de sovjetmoraal yn de 20er jierren fan de 20e iuw en dêrnei. De boeken jouwe ynsjoch yn de wize fan libjen fan dissidinte boargers yn it Ruslân ûnder Stalin.
Yn 1979 droech Mandelstam har Osip Mandelstam-argiven oer oan de Princeton University. Se stoar mei 81 jier.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.