Morbihan
Frânsk departemint / From Wikipedia, the free encyclopedia
Morbihan (Frânske útspr.: [mɔʀbiˈã], likernôch: "moch-bi-â"; Bretonsk: Mor-Bihan, útspr.: [moʀˈbiãn], likernôch: "moach-biân") is in departemint fan Frankryk dat yn it westen fan it lân leit, oan 'e súdlike kust fan it skiereilân Bretanje. De namme betsjut "Lytse See" yn it Bretonsk (fan mor, "see", en bihan, "lyts"), en ferwiist nei de Golf fan Morbihan, dy't eins in lytse binnensee is. Morbihan makket diel út fan 'e bestjoerlike regio Bretanje en hat it departemintsnûmer 56. De haadstêd is Vannes, mar de grutste stêd is Lorient. Morbihan hie yn 2016 in befolking fan krapoan 748.000 minsken. It departemint stiet benammen bekend om 'e Stiennen fan Carnac en oare megalityske monuminten.
Fluch de feiten flagge, wapen ...
Morbihan | |
---|---|
flagge | wapen |
polityk | |
soarte gebiet | departemint |
lân | Frankryk |
regio | Bretanje (regio) |
haadplak | Vannes |
grutste plak | Lorient |
departemintsnûmer | 56 |
sifers | |
ynwennertal | 747.548 (2016) |
oerflak | 6.823 km² |
befolkingstichtens | 109,6 / km² |
oar | |
stifting | 1790 |
tiidsône | UTC +1 |
simmertiid | UTC +2 |
koördinaten | 47°50′ N 02°50′ W |
webside | www.cg56.fr |
Slute