![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5d/Traject_assen_zuidlaren%252C_Bestanddeelnr_168-0427.jpg/640px-Traject_assen_zuidlaren%252C_Bestanddeelnr_168-0427.jpg&w=640&q=50)
Molkbus
From Wikipedia, the free encyclopedia
In molkbus, as molkkanne, is fan oarsprong stielen bus dêr't molke yn ferfierd waard fan de boer nei it molkfabryk. De meast foarkommende maat wie 40 liter. Nei de Twadde Wrâldoarloch waarden izeren molkbussen ferfongen troch aluminium bussen. Dy hiene ferskate foardielen oangeande harren foargongers. Sa hoegden der gjin rustige bussen mear skjirre te wurden en wiene bussen fan aluminium lichter. Neidiel fan de lichtere (lege) bus wie dat se fan wein ôfwaaiden en maklik omfoelen as se op de bussebân yn it molkfabryk stiene. In molkbus hie altyd ôfrûne naden sa't de wet foarskreau.
![Thumb image](http://upload.wikimedia.org/wikipedia/commons/thumb/5/5d/Traject_assen_zuidlaren%2C_Bestanddeelnr_168-0427.jpg/640px-Traject_assen_zuidlaren%2C_Bestanddeelnr_168-0427.jpg)
![Thumb image](http://upload.wikimedia.org/wikipedia/commons/thumb/4/40/Melkbus_openluchtmuseum.jpg/640px-Melkbus_openluchtmuseum.jpg)
![Thumb image](http://upload.wikimedia.org/wikipedia/commons/thumb/8/8f/Melkbus_met_teems.jpg/640px-Melkbus_met_teems.jpg)
As de kij molken wienen, waard de molke troch in tjems yn de molkbus getten en dêryn bewarre. De molkbussen waarden oan de kant fan de dyk set. Dêr stiene se oant se troch de molkrider ophelle waarden om nei it suvelfabryk ferfierd te wurden.
De molkbussen waarden twa kear deis ophelle yn ferbân mei de hygiëne fan de farske molke, útsein op snein. It kuoljen fan de bussen om soer wurden foar te kommen wie in probleem. Faak waard troch de boeren in rûnbûgde koperen buis mei gatsjes om de boppekant fan de bus hongen dêr't kraanwetter trochstreamde. It streamende wetter oer de molkbus soarge foar wat ferkuolling. Op waarme dagen wie de molke somstiids lykwols al fersuorre by oankomst yn it fabryk.
![Thumb image](http://upload.wikimedia.org/wikipedia/commons/thumb/6/69/De_laatste_melkbus_Rouveen_E_van_Heck.jpg/640px-De_laatste_melkbus_Rouveen_E_van_Heck.jpg)
Molkbussen binne tsjintwurdich benammen sierobjekt. Ek wurde se noch brûkt by it karbidsjitten.
Yn 1962 waarden it earste ûndersiken dien nei it bewarjen fan molke yn in kuolle molktank. Yn 1973 molk sa'n 25% fan de Nederlânske melkfeehâlders yn sa'n molktank.