Katedraal fan Manilla

De Metropolitane Katedraal fan 'e Unbesmodzge Untfinzenis is de biskopstsjerke fan it aartsbisdom Manilla yn (Filipynsk: Basilika Menore at Kalakhang Katedral ng Kalinis-linisang Paglilihi; Spaansk: Basílica Menor y Catedral Metropolitana de la Inmaculada Concepción) yn 'e binnenstêd fan Manilla op 'e Filipinen. De katedraal is wijd oan 'e ûnbeflekte ûntfinzenis fan 'e Jongfaam Marije, de wichtichste beskermhillige fan it lân.

Metropolitane Katedraal fan 'e Unbesmodzge Untfinzenis Basilika Menore at Kalakhang Katedral ng Kalinis-linisang Paglilihi
Lokaasje
lân	Filipinen
plak	Manilla
adres	Beaterio St, Cabildo St, Intramuros
koördinaten	14° 35'N 120° 58'E
Tsjerklike gegevens
tsjerkegenoatskip	Roomsk-Katolike Tsjerke
patroanhillige	Marije
Arsjitektuer
arsjitekt	Fernando Ocampo
boujier	1954-1958
boustyl	neoromaanske arsjitektuer
Kaart

Oarspronklik waard de katedraal yn 1571 as parochytsjerke fan it aartsbisdom Meksiko boud. Mei de bul Illius Fulti Præsido fan paus Gregoarius XIII waard it in apart bisdom.

De katedraal waard sûnt de foltôging fan 'e oarspronklike tsjerke yn 1581 ferskate kearen troch ierdskoddings en kriich skansearre en ferneatige. It achtste en hjoeddeiske bouwurk op it plak waard ûnder lieding fan 'e arsjitekt Fernando Ocampo yn 1958 foltôge.

De pausen Paulus VI, Jehannes Paulus II en Fransiskus brochten in besite oan 'e katedraal. Op 27 april 1981 krige de katedraal fan paus Jehannes Paulus II de status basilica minor.

Yn 'e katedraal binne ferskate aartsbiskoppen en kardinalen byset.

Ofbylden

• 
  Katedraal ein 18e iuw.
• 
  Katedraal foar 1880.
• 
  Nei de ierdskodding fan 1880.'
• 
  Ruïne nei Japanske bombardeminten 1945.

Ofbylden dy't by dit ûnderwerp hearre, binne te finen yn de kategory Katedraal fan Manilla fan Wikimedia Commons.