KNVB-beker
From Wikipedia, the free encyclopedia
From Wikipedia, the free encyclopedia
De KNVB Beker is in fuotbaltoernoai fan it Keninklike Nederlânske Fuotbalbûn. Fuotbalklups út de Earedifyzje, Earste Difyzje, de kampioenen en de perioadekampioenen fan de Haadklasse amateurfuotbal, de fjouwer finalisten fan alle seis distriktbekers, de kampioen fan de beloften Eredifyzje en de winner fan de KNVB beker beloften. De finale fan it toernoai wurdt sûnt 1989 spile yn Stadion Feijenoord. De bekerwinner mei it oare seizoen dielnimme oan de tradisjonele seizoensiepening, de Johan Cruijf Skaal.
It Nederlânske bekertoernoai kaam foar it earst op it aljemint by yn in bûnsgearkomste yn De Haach op 15 jannewaris 1898. Yn dy tiid besleat it bestjoer fan it Nederlânske Fuotbalbûn in toernoai foar oansletten ferienings fan it bûn te organisearjen.
Troch ûndernimmer Hak Holdert waard in beker beskikber steld. Yn it seizoen 1898-1899 waard foar de earste kear de nei him ferneamde Holdertbeker útrikt. HFC-spiler Hisgen skreau op 7 maaie 1899 skiednis troch it earste doelpunt yn in bekerfinale te meitsjen. Troch syn doelpunt yn it duel mei HVV út De Haach krige syn klup ek noch de beker.
Earst yn 1946 krige it bekertoernoai foar it earst in oare namme en waard ek foar it earste silver brûkt foar de beker. Nei de Twadde Wrâldkriich wie der net safolle edelmetaal mear, dat it wie in djoer geskink.
De winner fan de KNVB beker mei it oare seizoen meidwaan oan in Europeesk toernoai. Oant 1998 wie dat foar it Europakup II-toernoai, kwalifisearret de winner him foar it UEFA-Kup toernoai. As de winner him al kwalifisearre hat foar de UEFA Champions League, dan mei de finalist dy't ferlern hat meidwaan oant it UEFA-Kup toernoai. Yn 1998 waard in ekstra wedstryd spule tusken de ferliezers fan de heale finale, omdat de finalisten Ajax en PSV har beide kwalifisearre hienen foar de UEFA Champions League. Dy wedstryd waard yn Swol spile troch SK It Hearrenfean en FK Twinte en einige mei in 3-1 oerwinning, dat SK It Hearrenfean mocht meidwaan oan it Europakup II-toernoai. As de finalist en de winner fan it toernoai hjoed de dei by de top-5 binne, dan mei ien fan de nûmers 2 oant en mei 5 út de Earedifyzje meispylje, dy't yn de play-offs spylje om it twadde Champions-Leagueplak.
Yn 1995 waard bierbrouwer Amstel sponsor fan it bekertoernoai. Feyenoord en FC Volendam spilen de earste finale foar de Amstel Kup, Feyenoord Rotterdam wûn dy wedstryd.
Yn augustus 2005 waard de namme wer feroare. Sûnt dy tiid waard der striden om de Gatoride Kup, ferneamd nei de sportdrankefabrikant Gatorade. Yn it seizoen 2006/2007 hite it toernoai wer KNVB beker mar Gatorade bleau sponsor fan de beker.
