Johan Abma (fuotballer)
From Wikipedia, the free encyclopedia
Johan Abma (Snits, 5 maaie 1969) is in eardere proffuotballer út Fryslân, dy't de earenamme "Mister Cambuur" draacht omdat er it kluprekord hat wat it tal wedstriden oangiet.
Johan Abma | ||
persoanlike bysûnderheden | ||
namme | Johan Abma | |
bynamme | 'Mister Cambuur' | |
nasjonaliteit | ![]() | |
bertedatum | 5 maaie 1969 | |
berteplak | Snits | |
etnisiteit | ![]() | |
klupskiednis | ||
posysje | Ferdigening | |
profesjonele feriening(s) seizoen klup wedstr.(goals) | ||
1988-2003 | SK Cambuur Ljouwert | 452 (19) |
Johan Abma begûn mei fuotbaljen by Hubert Snits yn Snits en kaam letter by de jeugd fan Cambuur terjochte, dêr't hy yn it seizoen 1988/1989 debutearre yn it earste. Hy spile yn de ferdigening en soe syn hiele proffuotbalkarriêre trochbringe by Cambuur. Syn bêste jier wie it kampioensjier by Cambuur. Yn it seizoen 1991/1992 waard hy mei Cambuur kampioen fan de Earste Difyzje en promovearre nei de Earedifyzje. It aventoer yn de heechste klasse duorre twa jier en mei Cambuur kearde Abma werom nei de Earste Difyzje. Fjouwer jier letter kamen sy fia de neikompetysje wer op it heechste nivo te spyljen yn de seizoenen 1998/1999 en 1999/2000, dêr't degradaasje nei folge.
Nei safolle jierren by Cambuur wie de ein fan syn lêste seizoen 2002/2003 foar him tige sneu doe't er te hearen krige dat Cambuur net langer ferlet hie fan syn tsjinsten. Nettsjinsteande eardere tasizzings koe hy nei fyftjin trouwe tsjinstjierren net rekkenje op in nije oanbieding.