Haat of hate is in emoasje dy't ûnderfûn wurdt as in gefoel fan antypaty tsjin of walging fan eat of immen, mank geand mei lulkens, wrok en/of minachting. Dêrby fielt men faak de oanstriid ta it fernielen, ferneatigjen of oanfallen fan itjinge dat men hatet. It doelwyt fan haat kin in foarwerp wêze, in persoan, of sels in idee. Haat is gauris de boarne fan fijannichheid. In gefoel fan haat kin koart of lang duorje, en ek leech of heech yn yntinsiteit wêze. It wurdt gauris beskôge as it tsjinstelde fan leafde, mar der wurdt ek wol sein dat haat en leafde twa siden fan deselde medalje binne, en dat eins ûnferskillichheid it tsjinstelde fan allebeide is.
Yn it deistich spraakgebrûk wurdt it wurd 'haat' faak brûkt om ôfgriis út te drukken ("ik haatsje sprútsjes!") of as men eat of immen útfoeteret ("ik haatsje dy ferfelende klier!"). It hat dan in minder swiere betsjutting. Foarbylden fan spesifike foarmen fan haat binne haat tsjin minsken (misantropy), haat tsjin manlju (misandry) en haat tsjin froulju (misogyny). As men mei in persoan in relaasje ûnderhâldt dy't hinne en wer swingt fan leafde nei haat en wer werom, sprekt men fan in haat-leafdeferhâlding. Haat is in destruktive emoasje, dy't de hater faak mear kwea docht as itjinge dat er hatet. In sitaat fan 'e Boeda is: "It fêsthâlden oan haat is as it fêsthâlden fan in gloeiend koaltsje mei it doel om dat tsjin immen oan te goaien: jo binne sels dejinge dy't him brânt."
Post of e-mail dy't ferstjoerd wurdt mei de bedoeling om 'e ûntfanger te kwetsen, wurdt haatmail neamd. In misdie dy't út haat begien wurdt, is in haatmisdriuw. Neffens de kêsten 137d en 137e fan it Wetboek fan Strafrjocht en de kêsten 143b en 143c fan it Wetboek fan Strafrjocht BES is ûnder de Nederlânske wet it oansetten ta haat ('haatsiedzjen') omreden fan ras, godstsjinst of libbensoertsjûging, geslacht, seksuële oriïntaasje of lichaamlike, psychyske of ferstanlike beheining in misdriuw wêrfoar't men beboete wurde en yn it uterste gefal finzenisstraf krije kin.
Boarnen, noaten en referinsjes
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
