From Wikipedia, the free encyclopedia
Gert van der Vijver (Rynsburch, 7 jannewaris 1966) is in keunstner út Drachten. As sânkeunstner kommunisearret er mei mime, drama, ynteraksje, dûns, humor en benammen sân. It sân bestiet út filtere fûgeltsjesân. Hy struit, faget en skoot mei hân en sân op in mânske ljochtbak. Yn in magysk skouspul ‘skilderet’ de keunstner mei syn fingers yn in laachje sân op dy ljochtbak. Der ferskine libbensechte bisten en foarmen. Sa kin in liuw yn in oaljefant feroarje, in do wurdt samar in ûle. Van der Vijver syn kristlike eftergrûn spilet mei by it skeppen fan bylden fan bisten en natoer. By it konsert Psalmen bylde Van der Vijver yn 2010 as sântsjoender inkele psalmen en it Peaske-evangeelje út foar de Betheltsjerke yn Drachten.
Nei in stúdzje hbû-teology yn Leuven tusken 1987-1989 die er tusken 1987-1989 in oplieding ta mimespiler op 'The Conservatory of Ministering Arts' yn Amearika en kaam syn kreativiteit op gong. Fan 1991-1994 wie er begelieder fan lichaamlike en geastlik beheinden by de stifting Philadelphia. Fan 1994 ôf is Van der Vijver regisseur en kreatyf meiwurker fan de Betheltsjerke yn Drachten. Hy toerde troch Europa as sjonger, akteur, dûnser en mimespiler en wurke mei oan musicals, konserten en festivals. Yn 2006 waard er dieltiid soarchkundige by Talant. Yn 2006 gie Van der Vijver nei in artistike konferinsje, dêr seach er foar de earste kear in Amerikaan dy't mei sân op in ferljochte glêsplaat bylden tranformearre. Doe't Van der Vijver dêr ek mei begûn waard dat sjoen troch ferslachjouwerSchinkel fan de NOS. Yn 2009 wie er te sjen yn it programma fan Paul de Leeuw.
Yn 2011 hat er in eigen sân- en mimeprogramma, dêr’t er teaters, skoallen en tsjerken mei ôfgiet.
Gert van der Vijver jout workshops yn drama, ekspresje en mime. By de foarstelling binne mystike meldijen te hearren fan Kees van Dam, saksofonist by Marco Borsato.
De Zandtovenaar is in 13-dielige telefyzjerige dy’t te sjen wie by KRO Kindertijd en útbrocht waard as DVD. Yn in koproduksje mei De Efteling wienen syn tekeningen ek te sjen yn de telefyzjerige Sprookjes fan Klaas Vaak (Klaas Vaak).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.