![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/20/Empire_State_Building_by_David_Shankbone.jpg/640px-Empire_State_Building_by_David_Shankbone.jpg&w=640&q=50)
Empire State Building
From Wikipedia, the free encyclopedia
It Empire State Building is mei 381 meter de heechste wolkeskraber yn New York, en stiet tredde op de list fan heechste gebouwen fan de Feriene Steaten. De namme fan it gebou, dat op de krusing fan West 34th Street en Fifth Avenue stiet, komt fan de bynamme fan de steat New York: The Empire State. It gebou wie fan 1931 oant de bou fan de twillingtuorren fan it World Trade Center yn 1971 it heechste fan de wrâld. Sûnt de ferwoasting fan it World Trade Center as gefolch fan de oanslaggen op 11 septimber 2001, is it Empire State Building dan wol wer it heechste gebou yn New York, mar it predikaat fan "heechste gebou fan de wrâld" is wyls al meardere kearen oan wer in oare rekordbrekker tafallen, mei yn 2010 as koprinner de Burj Khalifa yn Dûbai.
Troch de American Society of Civil Engineers waard de wolkeskraber útroppen ta ien fan de sân moderne wrâldwûnders. Op 18 maaie 1981 waard it troch de New York City Landmarks Preservation Commission ta landmark ferklearre. It gebou waard op 17 novimber 1982 opnomd yn it National Register of Historic Places en waard op 24 juny 1986 taheakke oan de list fan National Historic Landmarks.
![Thumb image](http://upload.wikimedia.org/wikipedia/commons/thumb/2/20/Empire_State_Building_by_David_Shankbone.jpg/640px-Empire_State_Building_by_David_Shankbone.jpg)