Amazône (rivier)
From Wikipedia, the free encyclopedia
De Amazône is de op ien nei langste rivier fan 'e wrâld en fierhinne de wetterrykste fan al, de rivier befettet nammentlik in fiifde part fan de hoemannichte natuerlike swietwetter op 'e wrâld. De rivier hat in lingte fan 6530 km, ûntspringt yn Perû en komt út yn de Atlantyske Oseaan yn Brazylje. De rivier streamt foar it grutste part troch it Amazônegebiet en it Amazônereinwâld. Yn de reintiid kin de rivier hiel breed wurde, op guon plakken wol 40 km breed.