Alpensniehin
From Wikipedia, the free encyclopedia
De Alpensniehin (wittenskiplike namme: Lagopus muta, foarh. Lagopus mutus) is in fûgel út it skift fan 'e hineftigen (Galliformes), de famylje fan 'e fazanteftigen (Phasianidae), de tûke fan 'e rûchpoathinnen (Tetraonini) en it skaai fan 'e sniehinnen (Lagopus). Dit bist komt foar yn it uterste noarden fan Jeraazje en Noard-Amearika, mar ek yn ferskate berchtmen op legere breedtegraden en yn súdlik Sibearje. It is in stânfûgel yn it meastepart fan syn ferspriedingsgebiet. Oars as de measte fûgelsoarten út 'e poalstreken bout de Alpensniehin gjin fetfoarrie op foar de winter. De IUCN klassifisearret dizze fûgel as net bedrige. De Alpensniehin is de offisjele territoriale fûgel fan it Kanadeeske territoarium Nûnavût, dêr't er bekend stiet as de ᐊᕐᑭᒡᒋᖅ ᐊᑕᔪᓕᒃ, aqiggiq atajulik. It is ek de offisjele jachtfûgel fan 'e Kanadeeske provinsje Nijfûnlân en Labrador.
Alpensniehin | ||||||||||||
---|---|---|---|---|---|---|---|---|---|---|---|---|
mantsje yn simmerkleed wyfke yn simmerkleed | ||||||||||||
taksonomy | ||||||||||||
| ||||||||||||
soarte | ||||||||||||
Lagopus muta | ||||||||||||
Montin, 1781 | ||||||||||||
IUCN-status: net bedrige
| ||||||||||||
ferspriedingsgebiet | ||||||||||||
stânfûgel simmerfûgel troch de minske yntrodusearre as eksoat |