Adriaan Adriaansz. Metius (Alkmar, 9 desimber 1571 - Frjentsjer, 6 septimber 1635) wie in ferneamd Nederlânsk wis- en stjerrekundige. Adriaan studearre yn Frjentsjer (1589) en Leien by Snellius. Hy gie ± 1596 nei Tycho Brahe op de Uranienborg en dosearre yn Jena en Rostock. Yn 1598 waard hy professor oan de Universiteit fan Frjentsjer. Descartes folge syn kolleezjes. Hy wie twa kear rektor oan de pleatslike universiteit.
Syn útjeften waarden fersoarge troch Willem Blaeu, kaartmakker en útjouwer yn Amsterdam. Der is op de moanne in krater neamd nei him. Johannes Vermeer skildere op de Astronoom syn boek oer stjerrekunde.
Syn broer Jacob Metius wie glêzemakker en bewearde yn 1608 de teleskoop útfûn te hawwen - hy kaam lykwols letter mei dizze útfining as de Middelburgers Johannes Lipperhey en Sacharias Jansen. Syn heit Adriaen Anthonisz wie wiskundige, festingboukundige, kartograaf en boargemaster fan Alkmaar. Hy ûntwurp de festing Willemstêd en de festingwurken om Harns, Alkmaar, Muiden en Naarden. Hy berekkene in wearde foar π.
Adriaan Metius makke ek it boekje Fortificatie en Stercktebouwinghe, dêr't er tige sekuer yn útleit hoe't syn heit Adriaan Anthoniszn. ûntwerpen foar fiif- en sânhoekige festingen berekkene en dizze yn it fjild ôfstuts. Dizze berekkeningen hat hy û.o. tapast by it ûntwerp fan de festing Boertange en de fersterking fan de festingstêd Coevorden, beide yn 1580, yn opdracht fan Prins Willem fan Oranje.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.