![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b7/%2527s_Lands_Magazijn_te_Harlingen.jpg/640px-%2527s_Lands_Magazijn_te_Harlingen.jpg&w=640&q=50)
Admiraliteit fan Fryslân
From Wikipedia, the free encyclopedia
De Admiraliteit fan Fryslân, ek wol Fryske Admiraliteit (yn 't koart: Admiraliteitskolleezje), wie ien fan de Admiraliteiten út de tiid fan Republyk fan de Sân Feriene Nederlannen dy't it befeiligjen fan de seefeart as taak hiene. De Fryske Admiraliteit waard yn 1596 oprjochte troch de Steaten fan Fryslân en oarspronklik fêstige yn Dokkum, letter yn Harns. Yn 1795 mei de Frânske tiid waard it kolleezje opheft.
![Thumb image](http://upload.wikimedia.org/wikipedia/commons/thumb/b/b7/%27s_Lands_Magazijn_te_Harlingen.jpg/640px-%27s_Lands_Magazijn_te_Harlingen.jpg)
![Thumb image](http://upload.wikimedia.org/wikipedia/commons/thumb/6/6a/Linieschip_Prins_Friso.jpg/640px-Linieschip_Prins_Friso.jpg)
![](http://upload.wikimedia.org/wikipedia/commons/thumb/4/46/Exterieur_-_Dokkum_-_20058725_-_RCE.jpg/640px-Exterieur_-_Dokkum_-_20058725_-_RCE.jpg)
![Thumb image](http://upload.wikimedia.org/wikipedia/commons/thumb/a/a7/DokkumWharf.jpg/640px-DokkumWharf.jpg)
It Admiraliteitskolleezje fan Fryslân waard yn 1597 ferheft ta Generaliteitskolleezje. Der wiene op dat stuit fiif generaliteitskolleezjes yn de Republyk. Dy yn Dokkum wie de iennichste yn it noarden. De leden waarden om bar foar in part troch Fryslân en foar in part troch oare gewesten keazen (sjoch ambulatware amten). Al gau die bliken dat Dokkum gjin gaadlike floatbasis wie, trochdat it Dokkumer Djip tichtslike. Dêrom waard yn 1645 it kolleezje nei Harns ta ferpleatst.
It yn feiligens stelle fan de seefeart wie de wichtichste taak fan de Admiraliteiten. Dêrta moast soarge wurde foar de bou en de útrissing fan oarlochsskippen neffens beslút fan de Steaten-Generaal. It heffen fan belestings op yn- en útkommende fracht en skippen en it ynbarren fan konfoai- en lisjilden wie in oare wichtige taak dy't dien wurde moast.