3 Henoch

}} 3 Henoch, ek wol bekend as it Boek fan de Paleizen, it Boek fan Rabbyn Ismael de Hegepreester of de Iepenbiering fan Metatron, is in algemien as apokryf beskôge religieus joadsk geskrift, besibbe oan it Alde Testamint fan 'e Bibel. De tekst sels hâldt út dat it yn 'e twadde iuw skreaun is troch de joadske rabbyn Ishmael ben Elisha, dy't hegepreester wurden wêze soe nei syn fizioenen fan in opnimming yn 'e himel, tusken 90 en 130. Mei't it boek net fierder weromfûn wurde kin as yn 'e fyfde iuw, binne moderne bibelwittenskippers fan tinken dat it hjir giet om in pseudepigrafyske taskriuwing. 3 Henoch, dat nei alle gedachten oarspronklik yn it Hebriuwsk skreaun is, behannelet benammentlik de himelfeart fan 'e bibelske persoan Henoch, de oerpake fan Noäch, dy't yn Genesis 5:21-24 neamd wurdt, en dy syn transformaasje ta de ingel Metatron. Dit geskrift moat net betize wurde mei de boeken 1 Henoch en 2 Henoch.

3 Henoch
algemiene gegevens
auteur	anonimus
taal	Hebriuwsk
foarm	non-fiksje
sjenre	religiosa
skreaun	5e iuw (?)

Boarnen, noaten en referinsjes