From Wikipedia, the free encyclopedia
Pi o π e je une costant matematiche e un numar reâl trasendent (e duncje irazionâl), che al corispuint a cirche 3,14159, che al è il rapuart tra la circonference dal cercli e il so diametri inte gjeometrie euclidee, e al ven doprât un grum in matematiche, fisiche e inzegnerie. Al è ancje cognossût come costant di Archimêt e come numar di Ludolph.
Par aprofondî l'argoment viôt la vôs π (letare). |
Il non de letare greche π e je pi, e cheste grafie e ven doprade intai contescj tipografics dulà che la letare greche no je disponibil o il so ûs al podarès jessi problematic. L'agjetîf al ven doprât parcè che par talian ancje la letare p à la stesse pronuncie.
La costant e cjape il non "π" par vie de letare iniziâl di dôs peraulis grechis, περιφέρεια 'periferie'[1] e περίμετρος 'perimetri', o ben 'circonference'.
π al è il caratar Unicode U+03C0 .
Te Gjeometrie plane euclidee, π al è definît come un rapuart de circonference di un cercli al so diametri:
Il rapuart c/d nol dipent de dimension dal cercli. Par esempli, se un cercli al à un diametri d dôs voltis chel di un altri cercli, al varà ancje une circonference c dople, parcè che il rapuart al ven conservât. Si pues ancje dî che ducj i cerclis a son simii.
Se no il π al pues ancje jessi definît come il rapuart de aree dal cercli e de aree di un cuadrât cun lât pari al rai:
La costant π e pues ancje jessi definide in altris mûts che a evitin i concets di lungjece dal arc e aree, par esempli dôs voltis il plui piçul x positîf par cui cos(x) = 0.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.