Karl Marx

Karl Heinrich Marx, ancje furlanizât cul nom di Carli Marx (Treviri, 5 di Mai 1818 – Londre, 14 di Març 1883), al fo un pensadôr, scritôr, storic, gjornaliste, economiste e teoric de revoluzion todesc.

Karl Marx

Cognossût par la so concezion materialiste de storie e par jessi stât un dai prins economiscj a vê analizât il sisteme e i efiets dal capitalisim e de lote des classis, e par so azion tal mieç dal moviment dai operaris. Al fô un dai prins dirigjents de Associazion internazionâl dai lavoradôrs, le Prime Internazionâl. Lis corentis di pinsîr inspiradis diretamenti dai sôi lavôrs cjapin il nom di marxisim. Marx al a vût une grande impuartance al svilup de li siencis umanis e sociâls. Il sô lavôr al a marcjât in maniere fuarte il XX siecul, indulâ cetancj moviments revoluzionaris e inteletuâls vegnin inspirâts dal so pinsîr.

Nasust in une famée de classe medie, al studie in te Universitât di Bonn e in te Universitât Humbolt a Berlin, indulâ che al ven influenzât dal pinsîr di Hegel. Dspo jssi laureât, al colabore cul gjornâl radcâl di Colonie "Gazete renane". In tal 1843, si trasferîs a Paris indulâ continue la sô colaborazion cun le stampe e al fâs cognossince di tancj personaçs dal mont de economie, jenfri i cuâi Friedrich Engels, fî di un industriâl inglês che lo judarâ tal compiment dal Manifest dal partît comunist in tal 1848. Esiliât de France tal 1849 par vie de sôs ideis politichis, Marx si trasferîs cun la sô femine e i fîs prime a Brussels de daspo a Londre. In Ingletiere Marx al continue a lavorâ come gjornaliste par il "New York Tribune", studiant pui a font l'economie politiche, fin a la publicazion de sô opare pui cognossude, Il Capitâl.

Marx al publiche di bessôl nome il prin libri in tal 1867, le opare complete ven publicade da Friedrich Engels daspo la sô muart, e le version complete de Teorie dal plusvalôr da bande di Karl Krautsky.

Judât dal sô ami Friedrich Engels al fô il principâl teoric dal socialisim e dal comunisim Jenfri lis sôs oparis, il Manifest dal partît comunist, Il Capitâl e Teorie dal plusvalôr.

Tal 1843 a Bad Kreutznacht, Marx al spose Jenny von Westphalen, fie di un esponent de nobiltât de Renanie, cognossude cuant che al jere student. Cun Jenny , Marx al varâ sîs fruts, ma nome trê fies rivarân in te etât adulte: Jenny Caroline, Laura e Jenny Julia Elanor.