Lenghe greche

La lenghe greghe e je une lenghe indoeuropeane, che si à cjacarât, cun diviersis varietâts, de seconde metât dal II mileni p.d.C. fin al dì di vuê. In passe 3500 agns di storie, il grêc al à cognossût profondis trasformazions, tant che a si puedin disferenceâ trê grandis fasis linguistichis: il grêc antic (dal XIV secul p.d.C. fintremai il V secul d.d.C., il grêc medievâl o bizantin (dal VI secul d.d.C. al XV secul d.d.C.) e il grêc moderni o neogrêc (dal XVI secul in ca); in ognidune di chestis fasis a si son formâts diviers dialets par vie de separazion gjeografiche.

Grêc ('Ελληνικά')
Pronuncie native:
Altris denominazions:	Grêc demotic (Δημοτική), Grêc elenistic
Fevelât in:	Grecie, Cipri, comunitâts de diaspore greche
Regjon:	Balcans
Feveladôrs:	15 milions
Posizion (totâl):	61
Posizion (marilenghe):	{{{posizionmarilenghe}}}
Classificazion gjenetiche:	Lenghe indoeuropeane   Lenghe proto-greche    grêc
Stât uficiâl
Lenghe uficiâl di:	Grecie, Cipri, Union Europeane
Regolât di:	Κέντρο Ελληνικής Γλώσσας (Centri de lenghe greghe)
Codiçs de lenghe
ISO 639-1	el
ISO 639-2	gre (B) / ell (T)
ISO 639-3	GRK
cjale ancje: Lenghe

Storie

Intal mont elenistic, che al cjapave dentri grancj teritoris di Europe, Asie e Afriche, e jere une vore pandude la "koinè", (che e à par significât "lenghe comun a ducj") metude adun di une messedance di dialets. La coinè e deventà une lenghe internazionâl.

Alfabet

I grêcs a no inmanearin il lôr alfabet, ma lu cjaparin sù dai fenicis. Al è fat di vincjecuatri letaris.

Vocabolari

Al è une vore ric e precîs. A son diviersis peraulis par jentrâ intai detais a pet di un stes tiermin. Tancj vocabui in altris lenghis a divegnin di lidrîs e tiermins e grêcs.

Vichipedie

E esist ancje une edizion par grêc de Vichipedie