Comelians al è un comun inte Cjargne, che al dì di vuê al fâs part de provincie di Udin e al à 637 abitants.
| Comelians | |
| Non uficiâl par talian | Comeglians |
| Provincie | Udin |
| Part | Cjargne |
| Coordenadis gjeografichis | 46°31′00″N 12°53′00″E |
| Altitudin | 553 m s.n.m |
| Superficie | 19 km² |
| Popolazion | 637 ab. |
| Densitât | 34 ab/km² |
| Frazions | Tualis cun Noiarêt, Povolâr cun Marançanis, Mieli, Cjalgjarêt, Runcje |
| Comuns confinants | Davâr, Paluce, Prât, Ravasclêt, Rigulât |
| CAP | 33023 |
| Prefìs telefonic | 0433 |
| Patron | Sant Niculau |
Il comun al è logât a 553 metros tal Cjanâl di Guart, in Cjargne, al è bagnât dal Dean, dal Margò e dal riù Vaglina. Lis monts plui altis a son la mont di Crostis e chê di Talm.
In plui che il cjaulûc, a fasin part dal comun ancje lis frazions di:
- Cjalgjarêt (m 750), cul cjasâl di Runcje (Runcja), de bande çampe dal Dean
- Tualis (Tualias) (m 908)
- Noiarêt (m 802), che adun cun Tualis a gjolt di une ministrazion separade frazionâl dai ûs civics.
- Povolâr (m 605)
- Marançanis (Maranzanas) (m 608), che cul cjaulûc a son su la diestre dal Dean e su la çampe dal Margò.
Si crôt popolarmentri che il non Comeliàns al vegni di comeleans, int dal Comeli. Difat probabilmentri i prins abitants dal lûc a si insedearin uchì dal Comeli.
In tal comun al ven fevelât il furlan, in te variant dal bas Cjanâl di Guart, caraterizade de terminazion des peraulis femininis (o miôr, di chês che a davegnin de prime declinazion latine) in -a (singolâr) e -as (plurâl): la cjasa - las cjasas. Altris trats carateristics a son lis pronunciis ei (spes evolude in -êr) e ou (spes evolude in ô) là che tal furlan centrâl a si àn î e û; par esempli, jeir (o jêr) e urtigoul (o ben urtigôl) par îr e aldiûl.
I comelianots dal cjaulûc, a diference de int des frazions e di ducj i paîs de valade, si ju cognos pe particolâr pronuncie de "r" tal cuel, come che ducj a puedin inecuarzisi scoltant lis cjançons di Giorgio Ferigo.
Panoramiche de frazion di Mieli
Palaç di sorestants a Marançanis
Cjase tipiche a Marançanis
Viodude de frazion di Tualis
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
