From Wikipedia, the free encyclopedia
Gai Valeri Flac Luci Sentin Balbi (par latin Gaius Valerius Flaccus Lucius Sentinus Balbus; I secul) fo un poete roman antîc.
Si sa pôc. Il non Sentin podarès volê dî che al jere di Sezze, in Lazi. Stant che tal proemi dai siei Argonautica al fevele de cjapade di Jerusalem, nol pò vê scrit chel toc prin dal 70, cuant che i Romans ocuparin la citât, e probabilmentri nancje dopo il 79, an de muart di Vespasian, che i dedicà il poem.
Valeri Flac si lu ricuarde par vê scrit i Argonautica, un poem sul innomenât mît di Jason, che lu vevin za contât Varon Atacin e prin, par grêc, Apoloni Rodi; di chest al cjapà sù la narazion, slargjantle e cirint di daj il stamp de Edeide di Virgili, vadì contant te prime part dai viaçs pal mâr e te seconde des vueris e des impresis sul sut. Di Virgili al cirì di imitâ, come ducj cjei de sô ete, ancje il stîl net e misurât, ma a son masse efiets retorics e masse influence dal gust plui vistôs di Lucan e dal timp di Neron. Di Virgili invezit al cjape sù soredut loci communes. No o vin dut il poeme, ma no si sa se parcè che nol vedi fît Valeri Flac o parcè che al sedi stât piardût l'ultin toc.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.