From Wikipedia, the free encyclopedia
Publi Papini Stazi (par latin Publius Papinius Statius; Napoli, 40/50 - atôr dal 96) fo un poete roman antîc.
Nassût a Napoli, so pari jere un gramatic e un poete ancje lui; tal 70 al lè a vore a Rome e si puartà daûr il fi, che al tacà a butâ jù viers e a vivi di chel. Tal 94, daspò vê convinçude la femine, che propit no e voleve, al tornà a Napoli, là che al murì plui o mancul tal zîr di doi agns.
Stazi, come si faseve te ete dai Flavis, cjapave inspirazion de poesie dal timp di August: al cirì di svicinâsi al stîl di Orazi e di Virgili; di Virgili al imità soredut la Eneide, te Tebaide: tal contâ la mitiche spedizion dai siet cuintri Tebe, e gjave fûr l'implant e cetantis situazions de Eneide. Però i timps jerin unevore diviers e dal spirt de poesie di Virgili te Tebaide ind' reste ben pôc: i colôrs somein plui a chei di Ovidi e a son masse artifizis poetics e tenturis masse fuartis e ancje torgulis, dut diviers de maniere misurade e judiziose che di poesiâ al veve Virgili. Cuant che al rivà a Napoli al tacà a scrivi ancje un altri poem, la Achileide, ma al murì cuant che al veve apene scomençât; chi il ton è plui lizêr, stant che tal slabri che al rivà a scrivi si fevele dome di cuant che Achîl stave beât te isule di Sîr. Al scrivè ancje trentedoi Silvae, vadì poesiis diviersis su arguments diviers, dispes inspiradis a Orazi, e doi oparis pierdudis, vadì l'Agave, une pantumine che i puartà bêçs, e il Carmen de bello Germanico (Cjant de vuere in Gjermanie).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
