From Wikipedia, the free encyclopedia
La Stirie o (il) Staiar (slov. Štajerska) e je un dai stâts federâts (tod. Bundesländer) austriacs. E je logade tal Sud dal paîs e e confine a Jevât cun il Burgenland, a Nord cun la Alte Austrie e la Basse Austrie, a Bonât cun la Carintie e il Salisburghês, a Sud cun la Slovenie.
Stirie/Staiar | |
---|---|
Non ufiziâl: | Steiermark |
![]() |
![]() |
Stât: | Austrie |
Cjâflûc: | Graz |
Superficie: | 16.391,93 km2 |
Popolazion: - Totâl - Densitât |
(2019) 1.243.052 ab. 76 ab./km2 |
![]() | |
Sît istituzionâl |
La capitâl e je Graz (slov. Gradec - 289.000 ab. ce.); altris centris impuartants a son Bruck an der Mur, Judenburg, Knittelfeld, Leoben e Voitsberg. Rilevante e je la esistence sul teritori di une minorance lenghistiche slovene, ricognossude dal stât austriac insiemi ad altris.
Seconde par grandece tra i stâts federâi da la Austrie, la Stirie e si divît in plui regjons.
A Nord e si cjate la Alte Stirie (tod. Obersteiermark), che e va dal confin setentrionâl dal stât federâl a la cjadene montagnose Steirischen Randgebirge, a Sud da la val di confluence tra il flum Mur e il flum Mürz.
La Stirie Orientâl (tod. Oststeiermark) e je logade a Jevât dal flum Mur e sot il Wechsel e lis Alps Fischbacher.
La Stirie Meridionâl (tod. Südsteiermark - che no va confondude cu la Stirie Inferiôr, tod. Untersteiermark, che in dì di vuê fâs part da la Slovenie) e consist inte aree ator lis citâts di Leibnitz, Radkersburg e Deutschlandsberg.
A Bonât dal flum Mur infin, e je logade la Stirie Ocidentâl (tod. Weststeiermark).
Dispès la Stirie e ven clamade „Grüne Mark“ (voltât: la Marche verde; al riclame il non todesc Steiermark), parcè che cirche il 61% dal so teritori al è cuviert di boscs. La mont plui alte da la Stirie e je la Hoher Dachstein (2995 m).
La minorance slovene da la Stirie e je stade scognossude come minorance autoctone tal 2004 (come al proviodeve il Staatsvertrag dal 1955).
Secont il censiment dal 2001 a son 4.250 stirians slovens.
Tal 2004, cuntun valôr di 3,8%, la Stirie e je rivade al plui alt nivel di cressite economiche tra i stâts federâts de Austrie; tal rivâ a chest risultât, significatîf al è stât il contribût dal aglomerât urban di Graz. Impuartant al è ancje il turisim, soredut pa la Alte Stirie e pa la zone termâl ta la Stirie Orientâl. A confront cul prodot interni sporc da la Union Europeane in forme di podê di acuist, la Stirie e rive a un indiç di 102.8 (EU-25:100) (2003) [1].
Dal pont di viste aministratîf e je dividude intune citât statutarie (tod. Statutarstadt) – che e je Graz (Targhe: G) – e 12 distrets (tod. Bezirke). Di seguit la liste dai distrets cu lis rispetivis targhis.
Distrets | Targhe |
---|---|
Bruck-Mürzzuschlag | BM (MZ) |
Deutschlandsberg | DL |
Graz-Umgebung | GU |
Hartberg-Fürstenfeld | HF (FF, HB) |
Leibnitz | LB |
Leoben | LE, LN |
Liezen | LI (BA) |
Politische Expositur di Gröbming | GB |
Murau | MU |
Murtal | MZ (JU, KF) |
Südoststeiermark | SO (FB, RA) |
Voitsberg | VO |
Weiz | WZ |
Par motîfs di estension (di bessôl al è plui grant dal Vorarlberg), il distret di Liezen al è dividût ancjemò in Politische Expositur di Gröbming.
Dal 2019 il governadôr (tod. Landeshauptmann) da la Stirie al è Hermann Schützenhöfer, dal ÖVP).
Da la Stirie a vegnin un premi nobel par la leterature – Elfriede Jelinek – e l'ex governadôr da la Californie, plui che altri innomenât come atôr – Arnold Schwarzenegger.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.