Sest Properzi (par latin Sextus Propertius; seconde metât dal I secul p.d.C.) fo un poete roman antîc.
![Thumb](http://upload.wikimedia.org/wikipedia/commons/thumb/0/02/Prop_and_Cynth.jpg/320px-Prop_and_Cynth.jpg)
Biografie
Al nassè in Umbrie, si crôt atôr dal 50 p.d.C., i confiscs pai veterans de vuere civîl e la vuere di Perugie i gjavarin vie familiârs e terens; pierdût il pari che al jere ancjemò un frut, tal 29 la mari lu puartà a vivi a Rome, là che invezit di studiâ la jurisprudence, come e sperave jê, al vê miôr lis frivulis deliciis de mondanitât, frecuentant chê int lì e poesiant: tal 28 p.d.C. al butà fûr la sô prime ricolte di elegiis, che e fo tant preseade che Mecenât lu fasè jentrâ tal so circul di poetis; al jere ancje amì di Ovidi. Al lè indenant a scrivi elegiis e po al murì, salacôr atôr al 15 p.d.C..
Lis elegiis
Di elegiis Tibul butà fûr cuatri libris: tai prins doi al cjante soredut il tormentât amôr par Cinzie, une femine cjanine e infidêl, tai ultins al met dentri ancje l'impegn civîl, che i plaseve tant al protetôr Mecenât; tes ultimis poesie nol rive plui a sintî risintiment cuintri Cinzie, che e je muarte, e le pò finalmentri cjalâ cun serenitât. La poesie je dense e folcjade e e cîr di scandaiâ in profonditât i sintiments, dute scossade di un fuartissin fûc di passions: propite il contrari di Orazi, che difat no lu preseave masse. Al centri di dut, vite e poesie, al restave simpri l'amôr e Cinzie. Il so model jere soredut Calimac, che i inspirà sedi la poesie d'amôr sedi, cu la sô poesie erudite, lis elegiis civîls, ma al supà tant ancje dai neoterics e di altris eleniscj, come Filete di Cos.
Bibliografie
- Ettore Paratore, Storia della letteratura latina, Bologne, Sansoni, 1957
- Paolo Fedeli, Storia letteraria di Roma, Napoli, Ferraro, 2004
Leams esternis
- Propèrzio, Sesto, treccani.it
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.