Londre

Londre (par inglês London) eje la capitâl e la citât pui grande de Ingletiere e dal Ream Unît cun i sôi 8 825000 abitants.La sô estension teritoriâl le rint la citât pui estendude d' Europe daspo Mosche e Istambul seguide da Rome e Berlin.Tancj dai siêi abitants clamâs "londinês" (londoners) son forests. Par chest motîf, Londre je une des citâts pui mutietnichis dal mont Londre je stade la capitâl dal Ream britanic, mete pricipâl di dutis lis migrazions soredut in tal periodo coloniâl.Al a il PIL pui elevât jenfri dutis lis citâts europeanis e il cuint in tal mont. Dotade di sîs aeropuarts, je par chest motîf, un pont di passaç une vore impuartant in dut il mont. La sô metropolitane clamade London Underground e je la pui antighe dal mont. Londre e je ancje la seconde citât pui visitade dal mont dal turisim internazionâl, daspo Bangkok in Asie.Par dutis chestis carateristichis, Londre concuiste il titul di "Citât globâl", e je la uniche citât britaniche in te liste da lis "Citâts Mondiâls Alfa". A Londre si cjatin impuartantis istituzions, organisazions e societâts internazionâls. Si cjatin inpuartants museis e teatris ; le citât conten cuatri patrimonis de umanitât. In tal Palaç di Buckingham, je la residence dal monarcje dal Ream Unît. Tal Palaç di Westminster si cjate il Parlament inglês, il numar 10 Downing Street je la sede dal Prin Ministri inglês e la sede dal Guvier dal Ream Unît.

Londre
Non ufiziâl:	London
Stât:	Ingletiere
Superficie:	1572,15 km² km²
Popolazion: - Totâl - Densitât	(2019) 8 825 000 ab. 5.589,8 ab/km² ab./km²
Sît istituzionâl }}

Gjeografie fisiche

Londre si cjate tal sud-ovest de Grande Bretagne, dongje il flum Tamigi, a pocjs oris dal passaç di Calais, che separe il Ream Unît de France, traviârs il Canâl de Maniche. A ovest si cjate le piçule citât di Windsor, residence estive de Corone Inglese, dongje l'aeropuart di Heathrow. Il flum che traviarse Londre, il Tamigi al è navigabil. Cheste oportunitât a fât di Londre un puart fluviâl e, jessint il mâr no masse lontan, al è stât fin a le metât dal XX secul, un scâl une vore impuartant. Il flum al traviarse le citât da ovest a est, al fo il motôr dal svilup de citât stesse.Londre je stade fondade in te rive setentrionâl dal flum, e par tancj secui, si podeve traviersâ nome da un puint sôl: il Puint di Londre (London Bridge). Par chest motîf il centri de citât si cjate a nord dal flum. Cuant che dal XVIII secul, vegnin costruîts atris puints, jenfri i cuâi il pui famôs al è il Puint de Tor (Tower Bridge), le citât a cognossût une grande espansion, favoride ancje dal fât che si cjate parsore une pianure aluvionâl, che a udât la cressite e lis costruzions. Le estension a vude une forme circolâr. Untimp, il flum al jere une vore pui larc ma al è stât stinzût par pode costruî cjasis e palaçs. Tal stês timp i sôi afluents son stâts incanalâts in tubaturis sot tiare . Ma il flum al è influenzât da lis mareis e par chest motîf Londre riscje l'inondazion. Al semêe che le Gran Bretagne al a une inclinazion par motivazion gjeologjichis, che la stâ alçant de bande setentrionâl e te bande meridionâl si sbasse. A front dal pericul, in tai agns setante, je stade costruide a Woolvich le Thames Barrier.