Lenghe bretone
From Wikipedia, the free encyclopedia
Il brèton e je une lenghe celtiche che si fevele inte zone ocidentâl de Bretagne, inte France nord-ocidentâl. E je une lenghe in pericul, ancje se a son stâts fats un grum di tentatîfs di promovile, e si calcole che e sedi fevelade cumò di plui o mancul 500.000 personis (e jerin plui di un milion al inizi dal XX secul). E je documentade za dal V secul, e e samee che sedi rivade cui imigrants de Grande Bretagne, cuntune piçule influence de lenghe de Gallie.
Breton ('Brezhoneg') | |
---|---|
Pronuncie native: | [/bɾɛ.ˈzõː.nɛk/] |
Altris denominazions: | |
Fevelât in: | France |
Regjon: | Bretagne Armoricane |
Feveladôrs: | {{{feveladôrs}}} |
Posizion (totâl): | {{{posiziontotâl}}} |
Posizion (marilenghe): | {{{posizionmarilenghe}}} |
Classificazion gjenetiche: | Indoeuropeane Celtiche |
Stât uficiâl | |
Lenghe uficiâl di: | - |
Regolât di: | - |
Codiçs de lenghe | |
ISO 639-1 | br |
ISO 639-2 | bre |
ISO 639-3 | bre |
cjale ancje: Lenghe |
Come carateristichis lenghistichis, si note che i pronons si fondin cun lis preposizions, e che l'ordin de frase al è une vore flessibil. Pe scriture al ven doprât l'alfabet latin e la grafie plui doprade e je chê unificade o standard, ma esistin ancje altris doi sistemis, (chel elaborât dal canonic Fransez Falc'hun e un altri clamât interdialetâl).
I prins scrits in breton a son dal IX secul. In zornade di vuê, par vie dal stât legâl contrari e de esclusion totâl de vite publiche e de scuele, la trasmission de lenghe e je stade frenade un grum. Par chest l'Unesco e considere il breton come une des lenghis europeanis plui a riscjo di estinzion tal futûr plui prossim.