From Wikipedia, the free encyclopedia
Fedri (par latin Phaedrus; I secul p.d.C. - II secul d.d.C.) fo un poete antîc roman, autôr di faulis.
Nassût in Macedonie, al jere un sclâf e, puartât a Rome probabilmentri ancjemò di frut, al fo sfrancjât di August. Sot il regn di Tiberi al scomençà a butâ fûr libris di faulis in viers; al ve fastidis cuant che Seian, il teribil e possent prefet dal pretori di Tiberi, vint il suspiet che tes faulis al platàs atacs cuintri di lui, i mignestrà une condane. No si sa cuant che al murì.
Fedri cjapà inspirazion di Esop, il grant autôr grêc di faulis, ma, dopo vê tacât a scrivi intune maniere compagne ae sô, al vignì unevore indipendent dal model. Come lui, al doprave i nemâi par meti in sene la vite dai omps in contutis curtis in viers, cuntune lenghe clare e sclete; ur tacave dongje, prin o dopo dai apolics, cualchi rie cuntune note morâl, par fâ capî ce lizion si veve di tirâ fûr des istoriutis. Bisugne dî che, nocate il gjenar e il ton sempliçs, la lenghe di Fedri je ben fine e ben montade. La morâl vise dispes ai sotans di acetâ che i sorestans paronin e di no stâ a cirî rognis: al è miôr contentâsi de situazion.
Pre Toni al pensà ben di butâ fûr un libri di faulis di Fedri voltadis par furlan, come al fasè cun Esop.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.