![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/47/Laptop-ebook.jpg/640px-Laptop-ebook.jpg&w=640&q=50)
E-libri
From Wikipedia, the free encyclopedia
Un e-libri (oben e-book par inglês) al è un "libri electronic", ven a stâi l'ecuivalent in formât electronic di un libri stampât.
![Thumb image](http://upload.wikimedia.org/wikipedia/commons/thumb/4/47/Laptop-ebook.jpg/640px-Laptop-ebook.jpg)
Nol esist un unic formât par i libris electronics: a esistin e-libris in formât di test sempliç (TXT), in formât Postscript (PS), in formât HTML e une vore di formâts, jenfri di lôr il difondût formât PDF (Formât Puartatil par i Documents), svilupât in origjin da Adobe.
Un e-libri al pues jessi otignût di un libri stampât doprant il Ricognossiment Otic dai Caratars (OCR), al pues jessi publicât tal stes timp de version su cjarte, o fintremai rimplaçâle, taiant cussì lis spesis di publicazion.
Jenfri i ponts a favôr dai e-libris al è la puartabilitât e la interativitât, la pussibilitât di fâ copiis e stampis, i vantaçs economics e ambientâi di no avalêsi da stampe. I svantaçs dai e-libris invezit rivuardin par solit lis problematichis dal particolâr formât electronic, dal dirit di autôr, e plui in gjenerâl il fat di jessi dipendents di un ordenadôr par la leture.
Intai ultins agns, a àn començât a fassi viodi sul marcjât lis pagjinis electronichis, ven a stâi imprescj cuntun piçul visôr apueste par lei i e-libris cence bisugne di un ordenadôr.