From Wikipedia, the free encyclopedia
Luci Juni Moderât Columele (par latin Lucius Iunius Moderatus Columella; I secul) fo un scritôr, poete e agronoim roman.
Si sa che, nassût a Cadice, al vivè al timp di Seneche e di Neron, vivint par cetant timp in italie, là che al veve cjamps, a Alban. Jere stât tribun militâr in Sirie e in Cilicie, forsit tal 36.
Lis oparis plui impuartantis di Columele son laedis al lavôr tai cjamps. Al scrivè un De re rustica (Sul lavôr tai cjamps) in dôs edizions; de prime nus reste il libri dedicât ai arbui, de seconde o vin dut. Il decim libri de seconde edizion, che al fevele dal colt dai zardins, lu scrivè in esametris, là che dut il rest al è in prose: al veve chê di onorâ Virgili, che tes Georgichis al veve sielzût di saltâ chel argument, disint che lu lassave ai poetis futûrs. La prose je limpide e clare e la poesie, inspirade a chê di Virgili, je compagne, fluide e metude sù cuntune tecniche atente. Lu uçave a scrivi la crise de agricolture italiche, che, stant che i grants possidents no viodevin cun premure dai lôr latifonts e no e jere une vere sience de coltivazion, che no si afidave a esperts ma a cualunchi sclâf, nocate se malpratic; la situazion jere tant serie che si veve di impuartâ gran dal forest, intune tiere, come il Lazi, che si gloriave che a coltâ jal vevin insegnât i dius. Come Virgili, jere sigûr che il lavôr tai cjamps vès un impuartant valôr morâl. Si viôt ben tai scrits di Columele che al timp di Neron la leterature vueite e lizere e tacave a lassâ puest a une plui seriote, che si inspirave a chê de ete di August.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.