Bakern, (mo.) bäkere, bakere (Sternidae) san en Fögelfamile an hiar mä a Kuben (Laridae) an ööder fögelfamilin tu at order faan a Kuben an Waadfögler (Charadriiformes). Daalang wurd jo uk üs onerfamile Sterninae faan a Laridae uunsen.
Tekst üüb Öömrang |
Bakern | ||||||||
---|---|---|---|---|---|---|---|---|
Witj Baker (Sterna paradisaea) | ||||||||
Süstemaatik | ||||||||
| ||||||||
Wedenskapelk nööm | ||||||||
Sternidae | ||||||||
Beskriiwang
Bakern like Kuben, jo san oober letjer an smääler an waanre uun a wonter am a süüd. Jo san 24 cm bit 40 cm lung, haa smääl, spas ütjluupen jügen an en goobelstört, so üs Swaalken. Diarfaan haa's uk hör sjiisk nööm Seeschwalben. Bi't flän hual jo a nääb flooksis lik efter onern. A feedern san witj of grä, an föl slacher haa en suart hüüw.
Leewent
A miast slacher lewe bi a küst, enkelten oober uk uun't banlun. Jo bräät lik üüb a grünj, miast uun koloniin. A nees lei nai bienööder an san knaap tu käänen mad stianer an song. Bakern swääm ei hal. Wan's faske, rödle jo, stun stal uun a loft, an sjit do lik deel uun't weeder efter letj fask.
Bakern waanre uun a wonter bit Süüdafrikoo an flä sodenang iansis am a Eerd uun ian juar.
Sköölen
Diar san 45 slacher, apdiald tu 9 sköölen:
Chlidonias - Gelochelidon - Hydroprogne - Larosterna - Onychoprion - Phaetusa - Sterna - Sternula - Thalasseus
Enkelt slacher
- Chlidonias
- Blä Baker (Chlidonias niger)
- Sterna
- Dol Baker (Sterna hirundo)
- Hääfbaker (Sterna caspia)
- Stäärnk (Sterna albifrons)
- Stianbaker (Sterna sandvicensis)
- Witj Baker (Sterna paradisaea)
- Amerikoonsk Stäärnk
Luke uk diar
Ferwisang efter bütjen
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.