Lakadive

Da Lakadive, ofisjäl Lakshadweep (Malayalam: ലക്ഷദ്വീപ്) nååmd, as en unjoontäritoorium foon Indien. Dåt san 36 koralenailönje ma en fläche foon 32 km² önj dåt Araabisch Heef. Da lade twasche 200 bit 300 km üt e küste foon Kerala.

Täkst aw mooringer frasch

Weer da Lakadive lade.

Koord foon da Lakadive.

Een fon da ünbeboogede ailönje.

Da wichtiste ailönje san Kavaratti (uk jü hoodstää foon da Lakadive), Agatti, Minicoy un Amini. Da tiin beboogede ailönje heewe 60.650 inboogere eefter e följksteeling foon 2001. Agatti heet en fliiplås.

Di noome Lakshadweep bedjüset bökstääwlik hunertduusend ailönje (laksha = hunertduusend, dweep= ailönj). Bit 1973 hiit jü ailönjegrupe ofisjäl da Lakadive (tu fergliken ma da sööderliker ladene Maledive).

Da manschne foon da ailönje snååke en dialäkt foon dåt Malayalam än san bål åle moslem. Di ofisjäle spräke ap da Lakadive as uk dåt Malayalam. Dåt as en följksouertjööging, dåt ja eefterkaamen san foon hoonelsmoons, da wilt en ordi swåår ünwääder aw da ailönje önjswumd san.

Linke

 Commons: Lakadive – Soomling foon bile än filme

• Lakshadweep, ofisiel sid (änglisch)

Internet-fertiiknis tu Lakadive önjt Curlie Project (wus:DMOZ, aw tjüsch) (änglisch)