Jazz

Jazz (ütjspreegen: d͡ʒɛːs) as en musiikstiil, di sowat am 1900 uun a Süüdstooten faan a USA apkaam, an tuiarst bluas faan suart Amerikoonern spelet wurd. Hat jaft oober föl auergungsfurmen tu ööder stiilen, so üs folkmusiik of popmusiik.

Tekst üüb Öömrang

Louis Armstrong, ään faan a bedüüdenst musiikern uun a jazz.

Uun a jazz woort miast mä musiikinstrumenten spelet, diar wi uk uun Euroopa kään: bloosinstrumenten, klawiar, gitaar, kontrabas, trumel. A jazz as man ei so stif, koon gans letjem of uk gratem wees, woort leewen gauer of uk staler, an läät uk steeds för frei spelin faan a enkelt instrumenten. A instrumenten spele leewen uk mä- an jinenööder (call and response).

Jazzstiilen an enkelt musiikern

Uun't 20. juarhunert jääw't flook waier, mä det idee jazz amtugungen:

• New Orleans Jazz (sant 1905), Louis Armstrong

  Dixieland Jazz (sant 1910)

• Chicago Jazz (sant 1919), Bix Beiderbecke
• Swing (sant 1926), Django Reinhardt
• Bebop (sant 1940), Charlie Parker
• Latin Jazz (sant 1947), Dizzy Gillespie
• Cool Jazz (sant 1948), Miles Davis, John Coltrane
• Hard Bop (sant 1955)

  Soul Jazz

• Free Jazz (aanj faan a 1950er), Pharoah Sanders
• Jazz Fusion (aanj faan a 1960er), Weather Report

An uk leeder kaam diar weder nei ideen tu: Acid Jazz, Nu Jazz, Smooth Jazz an öödern muar.

Luke uk diar

 Commonskategorii: Jazz – Saamlang faan bilen of filmer