Akkumulātor

En Akkumulātor (kuurt: Akku) es en Giraat, wat Energii āpnem, hual en weđer dö ken. Wan di lerig es, da ken em diar weđer Stroom iinleer.

Söl'ring

Zylindrisk Akkumulātor-Seli (18650) jer dat di iinbecht uur. Hok Düüsend fan des uur fuar en Elektroauto sa üs dit Tesla Model S töhopslööten, dat em diarmexfiir en waker köör ken.

Baterii?

En Akku es en Aart fan Baterii, aurdat diarbenen Energii hölen uur ken, wat em diar ütnem ken. Dit Uurt Baterii uur man fuar sok Giraaten iinseet, wat em ek weđer āpleer ken.

En Akku es en Baterii, man ek ark Baterii es uk en Akku

Forskel: Iin ön en Auto set en Luar-Baterii, wat em weđer āpleer ken en uk mut.
Diartö sair bal nemen Akku, man dit es en Akkumulātor.

Aarten

Lithium-Ioonen-Akku: Elektroonik fuar di Sküül paset üp, dat ek aurleeren of olter fuul Stroom ütnomen uur.

Iin ön Leechtern fuar Weelen set aaftinoch litj Akkus.

Smartphones en Tablets haa al en bet gurter Akkus. Jit gurter sen Powerbanks, wat em me langs nem ken en leer sin Fiirsnaker eeđer.

Me di Lithium-Technik kām di Möögelkhair āp en nem Stroom me langs ön di Guart of tö Bruarwening. Diarfuar uur Akkus mung 250 en 3.500 Wattstünen Kapatsiteet önböören. Me en Omrochter uur fan di Likstroom Skrekelstroom maaket, wat em me en Steekdoos iinseet ken. Sok Powerstatsjoonen sen Akkus me Omrochter en Āpleerbuksen sa üs iinbecht Railgiraaten fuar Solārstroom.

Pedelecs sen elektrisk Weelen. Fuar 100 km sen mung 500 en 1.000 Watt nöörig, wat iin ön Akkus me langs nomen uur.

En Auto me Forbreningsmaskiin heer fuar di Starter, dit Leecht, dit Stüürigiraat en sok Giraaten Stroom nöörig. Des uur fan di Leechtmaskiin iin ön en Luar-Akku leeren en fan di Giraaten ütnomen.

En Elektroauto heer Stroom uk diarfuar nöörig, dat em diarme köör ken. Eeđer Model ken dit 8 bit 40 Kilowattstünen fuar 100 km wiis. Diarfuar uur da Stroom fuar ombi 300 km iin ön Akkumulatooren leeren en me langs nomen.
Me di rocht Elektroonik ken em üt sok Akkus uk Stroom fuar di Guart of for Kofi tö köökin fo.