A Anden (spoonsk Cordillera de los Andes, Quechua Anti bzw. Antis) san det lingst keed faan berger. Jo san di süüdelk dial faan a Amerikoonsk Kordilleren.
![]() |
Anden (Kordilleren) Cordillera de los Andes | |
---|---|
![]() Süüdelk dial faan a Anden | |
Hööchde | 6.962 m |
Laag | Süüdameerikoo |
Koordinaaten | -32.653333333333-70.0116666666676962 |
![]() Cordillera de los Andes | |
Slach | Apfualet berger mä wulkaanen |
Berger
|
|
Hööchderegiuunen
![Thumb](http://upload.wikimedia.org/wikipedia/commons/thumb/5/5a/H%C3%B6henstufen_der_anden.png/640px-H%C3%B6henstufen_der_anden.png)
Det iindialang faan a Anden tu hööchderegiuunen komt faan Alexander von Humboldt an Aimé Bonpland an käänt fiiw regiuunen:
- Det onerst regiuun het Tierra Caliente („hiat lun“). Diar as troopenwalt, an diar waaks kakao, banaanen an sokerraid.
- Tesken 1000 m an 2000 m huuch leit at Tierra Templada („miatag lun“) mä troopisk beragwalt. Diar waaks kofe, tabak an meis.
- Wenet woort fööraal uun't Tierra Fria („keelag lun“) tesken 2000 m an 3500 m hööchde. Diar wurd wiaten, irpler an bere uunbaud. Uk tjüch woort diar häälen. Diar wääkst di troopisk huuch- an mistwalt.
- At buumgrens bi gud 3000 m maaget di auergung tu't Tierra Helada („kuul lun“). Diar kön noch sjep an laamas häälen wurd.
- At snägrens leit bi 4800 meetern, det Tierra Nevada („snälun“) begant al bi 4500 meetern.
A hööchderegiuunen san tu fergliken mä a kliimaregiuunen tesken ekwaator an nuurdpuul.