Süüdkaukaasisk spriaken

Süüdkaukaasisk spriaken (uk wel Kartweelisk spriaken, georgisk ქართველური ენები kartveluri enebi) san en spriakfamile faan a Kaukaasisk spriaken. Man jo haa mä't Nuurdkaukaasisk ei föl tu dun. Ferlicht haa jo ferbinjang mä't ual Sumeerisk.^[1]

Tekst üüb Öömrang

Süüdkaukaasisk (Kartweelisk) spriaken

Spriaken

• Georgisk, 5 miljuun spreegern, amtsspriak faan Georgien.
  • Judäo-Georgisk woort dialwiis üs aanj spriak uunsen, dialwiis oober uk üs en Georgisk spriakwiis. 10.000 bit 20.000 spreegern, fölen san efter Israel ütjwaanert. Jo skriiw hör spriak mä't hebreewsk skraft.

• Saanisk of Kolchisk
  • Laasisk, 250.000 spreegern (Laasen), 3.000 uun't süüdwaasten faan Georgien (Adschaarien) an a miasten uun't nuurduasten faan a Türkei.
  • Mingreelisk, 500.000 spreegern uun't waasten faan Georgien (Mingreelien).

• Swaanisk, 40.000 spreegern uun't nuurdwaasten faan Georgien (Swaneetien).

Bütj Judäo-Georgisk brük jodiar spriaken det Georgisk skraft: Mchedruli.

Literatüür

• Fähnrich, H. (2008), Kartwelsprachen : Altgeorgisch, Neugeorgisch, Mingrelisch, Lasisch, Swanisch, Reichert, Wiesbaden. ISBN 978-3-89500-653-1

Futnuuten

1. Heinz Fähnrich: Grammatik der altgeorgischen Sprache. Hamburg 1994, S. 250 ff.