From Wikipedia, the free encyclopedia
Diten (öö. Schaasen, sö. Kiisen) sen fan drüget Küskit maaket. Di diari sen üp di Ailönen bit hentö di fiartiger Jaaren en üp di Haligen bit hentö di sösstiger Jaaren fan't twuntigst Jaarhönert üs Jöling fuar tö haitsi en tö kööki nomen uuren.
Fan di Ailönen es uk bikeent, dat fuar't Jöling Sjipluurter fan di Dik saamlet uuren sen.
![]() |
Di Küskit, wat em fuar Diten brükt, waar wunterem iin ön gurt Faten saamelt. Di diar Faten (Mjülkpoten) wiar ombi 75 m³ gurt, en di lair iin ön di Öört, fuar't Miist nuurđern fan di Busem.
Hentö di Uurs waar di Mjülk üt di Faten büten üp di Werev fordiilt. Leeter uur dit ütstampert, wat di Liren me üülen Soken aur di Fet, somtirs uk söner des, maaket haa.
Fan des ging di Wiitighair üt di Mjülk. Diar maast ek olterfuul Stre benen des Brii wiis, üđers kür em di Diten leeterhen ek muar rocht ütsteek.
Wan di miist Wiitighair diar üt wiar, waar dit me en Stamper lik ütstampet, dat et sa 6 cm tjuk bleev.
Di Senskiin her sa tau bit trii Weeken nöörig en drügi dit diari üt. Da noom em en Ditensteeker, wat en bet ütsaag üs en Gluuv, en steek diarfan Kwadraate fan 20 x 20 cm. Des waar da langs di Wuch āprocht en skul jit jens trii Weeken ütdrügi.
Eeđer des waar di Kwadraati omdrait, dat di üđer Sir uk ütdrügi kür, en da wiar di Diten klaar.
Nü kām fan di drüg Diten "Klooten" āpbecht, dat di Winj en di Senskiin di leest Wiitighair ütnem kür. Hentö di Hārefst waar di Diten booven iin ön't Hüs braacht.
Fuar di Wunter wiar fuar ark Hüs ombi 20.000 Diten nöörig. Wan di Liren kööki of haitsi wil, kām di diar Kwadraati bluat döör en "Ditenhol" dialsmeten, dat em di bluat jit iin ön di Aurn smit tört.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.