Maledive
From Wikipedia, the free encyclopedia
From Wikipedia, the free encyclopedia
E Maledive bile en ailönjfloose. Jü bestoont üt 1190 koralenailönje, ferdiild önj 26 atole önj e Indisch Ooseåån, tut söödweesten foon Indien. Da ailönje lade ferstraild ouer en fläche foon moinäi 90.000 km², ouers jü hiil lönjouerfläche as mån 298 km². Dåt grutst ailönj as 5 km² grut än et jeeft bloot nüügen, wat gruter san as 2 km². Foon da ailönje san 200 bebooged än nuch 88 san bloot turistegebiite.
![]() |
Jü histoori foon da jarste beboogere as ai bekånd, ouers hu arkeoloogische fanste wise deeraw haane, dåt e Maledive ål süwat 5000 iir bebooged san. Ouers oudere kwäle seede, dåt e kolonisasjoon foon e Maledive jarst süwat 500 iir for krast schänj as. Sunt dåt jarst iirhunert for krast wjarn e beboogere buddhistisch, ouers 1154 bekiirde di kining tu jüdeer tid ham tu e islam. Dåt lönj as et grutst diilj foon sin histoori ünoufhingi wjarn, ma ütnååme foon änkelte perioode, weerfoon en 17-iiri portugiisisch ouerhiirsching önjt 16. iirhunert jü långst as. Inåål regiirden deer 84 sultane. Önjt iir 1887 kömen da Maledive uner britisch schirmhiirschap, ouers e brite bemöiten jam ai am e baner politiik.
E Maledive wjarn foon 1982 bit 2016 än sunt 2020 lasmoot foon e Commonwealth of Nations.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.