Krüstooch

A Krüstööger wiar kriiger tesken 1095 an 1396 faan't röömsk-katuulsk sark fööraal jin't apstreewin faan a islaamsk lunen uun a Nai Uasten. Uun't 13. juarhunert wurd uk ööder kriiger so betiakent, diar oober eegentelk goorei diarüüb ütj wiar, at Halag Lun an Jerusalem turag tu wanen. Diar ging't uk jin ööder fulken uun Nuurduasteuroopa, diar nian krastelk kultüür hed.

Tekst üüb Öömrang

Jerusalem woort iinnimen (12.–14. juarhunert)

Krüsfäärerstooten am't juar 1135

Koord faan a Krüstööger mä bedialagang faan Frankrik

Krüsfäärerstooten

Üs a Krüstoochredern of Krüsfäärern mä't slacht faan Askalon uun't juar 1099 Jerusalem turag wonen hed, haa's diar sjauer Krüsfäärerstooten grünjlaanj:

• at Könangrik Jerusalem
• at Föörstendoom Antiochia
• at Groofskap Edessa
• at Groofskap Tripolis

A Krüsfäärerstooten küd jo oober ei loong hual an ging stak för stak bit 1291 weder ferleesen.

Di nööm krüstooch (fransöösk croisade, ingelsk crusade) kaam iarst leeder am 1500 ap, a Krüsfäärern salew näämd hör kriich expeditio, iter of peregrinatio, wat soföl üs rais ment. Üüb hör kluader wiar en grat krastelk krüs, an sodenang wurd's leeder krüsfäärern näämd.

A Krüstööger

Iarst Krüstooch: 1096–1099, Mual: Jerusalem

Fulkskrüstooch: 1096, Mual: Jerusalem

Sjiisk Krüstooch 1096, Mual: fööraal Jerusalem

Krüstooch faan 1101: Mual: Jerusalem

Sigurd I. faan Norweegen san Krüstooch: 1108–1111, Mual: Jerusalem/Sidon

Naist Krüstooch: 1147–1149, Mual: iarst Edessa, do Damaskus

Wendenkrüstooch: 1147, Mual: Germania Slavica

Traad Krüstooch: 1189–1192, Mual: Jerusalem

Krüstooch faan Heinrich VI.: 1197–1198, Mual: Jerusalem

Sjuard Krüstooch: 1202–1204, Mual: eegentelk Egypten/Jerusalem, do Konstantinopel

Jongenskrüstooch: 1212, Mual: Jerusalem

Albigenserkrüstooch: 1209–1229, Mual: Oksitaanien

Fift Krüstooch

Krüstooch faan Damiette: 1217–1221, Mual: eegentelk Jerusalem, do Egypten

Krüstooch faan Friedrich II.: 1228–1229, Mual: Jerusalem

Krüstooch faan Theobald IV. faan a Champagne: 1239–1240, Mual: Askalon/Damaskus

Krüstooch faan Richard faan Cornwall: 1240–1241, Mual: Askalon/Jerusalem

Sääkst Krüstooch: 1248–1254, Mual: Egypten/Jerusalem

Hördenkrüstooch faan 1251: Mual: eegentelk Egypten

Sööwenst Krüstooch: 1270, Mual: Tunis/Jerusalem

Krüstooch faan Prens Eduard: 1270–1272, Mual: Akkon/Jerusalem

Aragoneesk Krüstooch: 1284–1285, Mual: Girona

Hördenkrüstooch faan 1320: Mual: eegentelk Andaluusien

Krüstooch jin Smyrna: 1343–1347, Mual: türkisk föörstendoomen uun Fööraasien, piraaten

Krüstooch jin Alexandria: 1365, Mual: Egypten

Krüstooch jin Mahdia: 1390, Mual: piraaten

Krüstooch faan Nikopolis: 1396, Mual: jin at Osmaansk Rik

Luke uk diar

 Commonskategorii: Krüstööger – Saamlang faan bilen of filmer