Folksufstemingen uun Sleeswich

Dön Folksufstemingen uun Sleeswich wiar tau folksufstemingen, diar efter a Ferdrach faan Versailles wiar, am det tukemen grens twesken Tjiisklun an Denemark uun Sleeswich tu stemin. Jo wurd faan en komischuun mä fertreedern faan Frankrik, det Ferianigt Köningrik, Noorweegen an Sweeden auerwachet. Dön folksufstemingen wiar 10. Febrewoore an 12. Marts 1920 uun tau ufstemingssoonen: Soon I (10. Febrewoore) an Soon II (12. Marts). At muarhaid faan a lidj (74,39 %) uun Soon I (of Nuurdsleeswich) stemet diarför, dial faan Denemark tu wurden. At muarhaid faan a lidj (80,2 %) uun Soon II (of Madelsleeswich) stemet diarför, dial faan Tjiisklun tu bliiwen. At muarhaid faan a lidj uun trii gemeenden üüb Feer, Guating (53,97 %)^[1], Ödersem (55,41 %)^[2] an Hedehüsem (59,26 %)^[3], wat uun Soon II wiar, stemet för Denemark. A gemeenden ferbleew man dial faan Tjiisklun, auer jo ei direkt bi det leeder grens lai.

Tekst üüb Fering

Koord faan a resultooten

Futnuuten

1. At wiar 34 stemen för Denemark an 29 för Tjiisklun.
2. At wiar 41 stemen för Denemark an 33 för Tjiisklun.
3. At wiar 16 stemen för Denemark an 11 för Tjiisklun.

Literatüür

• Karl Alnor: Die Ergebnisse der Volksabstimmungen vom 10. Februar und 14. März 1920 in der 1. und 2. schleswigschen Zone. (= Heimatschriften des Schleswig-Holsteiner-Bundes 15). Verlag des Schleswig-Holsteiner-Bundes, Flensburg 1925.

Luke uk diar

• Nuadjil

 Commons: Folksufsteming 1920 – Saamling faan biljen of filmer