Pâs du Semplon
pâs rotiér des Ârpes suissèsses en Valês / From Wikipedia, the free encyclopedia
Lo pâs du Semplon[1],[2] (der Simplonpass en alemand et tuche, le col du Simplon en francês, il passo del Sempione en étalien) ou ben tot simplament lo Semplon[3] (der Simplon en tuche, il Sempione en étalien) est un pâs des[V 1] Ârpes suissèsses[V 2], que sè trôve dedens lo canton du Valês. Posâ a 2 005 mètros[4], il est[V 3] dessus la rota principâla 9, que méne dês Brega tant qu’a la frontiére étalièna, pués per la SS33, tant qu’a Stresa. La penta moyena est de 9 %. Lo pâs est uvèrt tot l’an et pués cognêt un important trafic de pêds pesants.
![]() |
Cél articllo est ècrit en arpetan romand / ORB lârge. | ![]() |
Il est asse-ben dessus la rota eropèèna 62 (E62) que rapond Nantes a Gêna.
La rota est étâye bâtia entre-mié 1801 et 1805 per l’engènior Nicolas Céard, sus l’ôrdro de Napoléon Bonapârte que volêt[V 4] uvrir un passâjo por son artilyerie ; lo prix est z-yu[V 5] de més de huét milyons de francs.
Lo pâs at balyê son nom u vielyo[V 6] dèpartement du Semplon[V 7] (1810-1813).