![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ea/T._Lucretii_Cari_De_rerum_natura.tif/lossy-page1-640px-T._Lucretii_Cari_De_rerum_natura.tif.jpg&w=640&q=50)
De rerum natura
grant poèmo en lengoua latina du poèto filosofo latin Lucrècio / From Wikipedia, the free encyclopedia
De rerum natura (en arpetan : De la natura de les chouses), quâsi tot lo temps apelâ De natura rerum, est un grant poèmo en lengoua latina du poèto filosofo latin Lucrècio, que vivét u premiér siècllo devant noutron èra. Composâ de siéx lévros qu’ant dedens 7 400 hègzamètros dactilicos, mètro cllassico empleyê tradicionalament por lo genro èpico, constitue na traduccion de la doctrina d’Èpicuro.
![]() |
Cél articllo est ècrit en arpetan supradialèctâl / ORB lârge. | ![]() |
![Thumb image](http://upload.wikimedia.org/wikipedia/commons/thumb/e/ea/T._Lucretii_Cari_De_rerum_natura.tif/lossy-page1-640px-T._Lucretii_Cari_De_rerum_natura.tif.jpg)
Lo poèmo sè presente coment na tentativa d’« ècllapar los fôrts vèrrolys de les pôrtes de la natura », cen vôt dére de fâre vêre u liésor la natura du mondo et des fenomènos naturâls. D’aprés Lucrècio, que s’enscrit dedens la tradicion èpicurièna, cela cognessence du mondo dêt pèrmetre a l’homo de sè libèrar du fèx de les supèrsticions, notament religioses, que constituont tant d’encoblos qu’empachont châcun d’avengiér l’ataraxia, cen vôt dére la tranquilitât de l’ârma. « Y at de sûr gins de més brâvo poèmo scientifico que lo De Natura Rerum. » cen deséve Bayet.