Sirið Stenberg (fødd 26. mai 1968) úr Vági er føroyskur politikari. Sirið hevur nomið sær útbúgving sum sjúkrarøktarfrøðingur í 1994, sum sjúkrarøktarfrøðingur í neonatalogi í 1998 og sum heilsufrøðingur í 2001. Áðrenn hon fór í løgtingið, starvaðist hon sum heilsusystir í Suðuroynni.
| Sirið Stenberg | |
|---|---|
 | |
| er eitt | menniskja |
| Fødd(ur) | 26. mai 1968 í/á Vágur |
| Starv | politikari, sjúkrarøktarfrøðingur |
| Politiskur flokkur | Tjóðveldi |
| Dátuheiti | |
| Commons | Sirið Stenberg |
Politisk lívsleið
Hon varð vald á Føroya Løgting á fyrsta sinni fyri Tjóðveldi á Løgtingsvalinum 2011 við 320 atkvøðum. Hon var afturvald í 2015, 2019 og 2022. Hon hevur eisini verið kommunalpolitikkari, hon varð vald í Vágs Býráð á býráðsvalinum í 2008 og tók sæti har 1. januar 2009.
Hon var landsstýriskvinna í heilsumálum frá 2015-2019 í stjórini hjá Aksel V. Johannesen. Eftir løgtingsvalið 2022 kom Tjóðveldi í samgongu, og Sirið fekk landsstýrissess. Hon gjørdist landsstýriskvinna í almanna- og mentamálum.[1]
- Løgtingslimur 2011 -
- Býráðslimur 2009 -
- Limur í Føðiskipanarnevnd fyri Føroyar 2008-2011
- Varalimur í Høvuðsbarnaverndarnevndini fyri Føroyar 2006-2008
- Leiðari á Heilsuskúla Føroya eitt tíðarskeið 2006-2008[2]
Nevndarsessir í Løgtinginum 2011 - 2015
- Forkvinna í Landsstýrismálanevndini
- Limur í Trivnaðarnevndini
- Varalimur í Mentanarnevndini
- Varalimur í Lokalnevndini
Nevndarsessir í Vágs Býráð
Nevndarsessir í øðrum ikki kommunalum nevndum, har Vágs Býráð hevur umboð
- Sjálvognarstovnurin Eldrasambýlið í Vági
- Ferðslunevndin
- Felagið Stóra Pakkhús
- Bygginevndin fyri Ellis- og Røktarheimið
Frítíðarítriv
Sirið hevur verið virkin í Kirkjukórinum Ljómur í fleiri ár, seinastu árini hevur hon verið forkvinna í Ljómi.[5] Hon hevur eisini verið nevndarlimur í Ruth Smith Savninum í Vági.
Privat
Sirið Stenberg er gift við Jón Paula Olsen, saman eiga tey trý børn. Sirið er dóttir Ásgerð Stenberg, sum er fyrrverandi býráðslimur, og Flemming Stenberg.
Keldur
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
