Danska krónan (DKK ella kr.), danskt: dansk krone, grønlendskt: danskinut koruuni er mynteind í Danmark, Føroyum og Grønlandi. Føroyingar hava egnar pengaseðlar við føroyskum motivi, sum tó ikki er sjálvstøðugt gjaldoyra. 1 króna = 100 oyru.
![Thumb](http://upload.wikimedia.org/wikipedia/commons/thumb/a/a2/Two_20kr_gold_coins.png/640px-Two_20kr_gold_coins.png)
Galdandi danskir myntir eru í hesum útgávum:
- 50 oyra
- 1 kr.
- 2 kr.
- 5 kr.
- 10 kr.
- 20 kr.
Galdandi danskir peningaseðlar eru í hesum útgávum:
- 50 kr.
- 100 kr.
- 200 kr.
- 500 kr.
- 1000 kr.
Fyrr hava aðrir myntir og seðlar verið galdandi í danska ríkinum, sum nú bert hava áhuga hjá fólkum ið samla. Talan er um
myntir: 1 oyra, 2 oyra, 5 oyra, 10 oyra, 25 oyra og ½ kr. og seðlar: 1 kr., 5 kr., 10 kr. og 20 kr.
Tann fyrsta danska myntin við kongsins navni og navninum á landinum á var ein mynt hjá Sveini Tvískegg (Svend Tveskæg), sum var gjørd í 995. Í nógv ár hevði virðið á myntini samband við tað tilfar, ið myntin varð gjørd av.
Krónur og oyru vórðu innførd við lóg í 1873 og tikin í nýtslu 1. januar 1875, har ið hesi komu í staðin fyri ríkisdálaran. 1 dálari varð settur til virðið av 2 krónum, 1 markur til 33 1/3 oyru og 1 skilling til 2 oyru.