From Wikipedia, the free encyclopedia
Reykjavík er høvuðsstaður í lýðveldinum Íslandi. Reykjavík hevur umleið 139.875 íbúgvar og er størsti býur í Íslandi. Stóra Reykjavíkarøkið hevur umleið 202 000 íbúgvar. Borgarstjóri er Dagur B. Eggertsson. Tað sigst, at Reykjavík er heimsins reinasti, grønasti, og tryggasti høvuðsstaður.
´
| ||
 | ||
| Land |  Ísland | |
| Postnummar | 101-155 | |
| Valdømi | Reykjavíkurvaldømi norður og Reykjavíkurvaldømi suður | |
| Sýsla | Gullbringusýsla | |
| Vídd | 274,5 km² | |
| Íbúgvar (2023) | 139.875 | |
| Borgarstjóri | Dagur B. Eggertsson | |
| Heimasíða | www.rvk.is Íslendskt | |
Ingólfur Arnarson, sum kom úr Noregi, var fyrsti landnámsmaður Íslands og tók land í Íslandi í 874. Hann kom við konu sínari, Hallveig Fróðadóttur, syni sínum Þorsteini, og tveimum trælum sínum, sum itu Vífill og Karl. Vífill varpaði öndvegissúlurnar frá bátinum, tá ið Ingólfur sá landið. Vífill var nú frælsur, tí hann gjørdi hetta, og Ingólfur sendi hann á Vífilsstaðir, sum er nú øðrumegin bygdina Garðabær. Søgan er, at Ingólfur sá royk á víkini, sum hann var komin til, og hann kallaði tí víkina „Reykjavík“ (Roykja + vík), har sum býurin stendur nú.
Tað eru ikki nógvar upplýsingar um Reykjavík í miðøldini. Nógvir tekstir um Reykjavík vísa bert á, at Reykjavík var ein bóndagarður. Í 18. øld, hevði Danmark hug at gera Reykjavík til ein stóran bý. Í 1752 gav kongurin Danmarkar landsóðal Reykjavík til Innréttingarnar. Formaður fyri Innréttingunum var Skúli Magnússon. Umleið ár 1750 vóru hús og íbúðapartar gjørdir til ullarverksmiðjur. Ullarverksmiðja var størsta verksmiðja í Reykjavík, og orsøk til, at Reykjavík var verðandi bygt øki.
Í 1786 steðgaði Danmark einkarætt í Reykjavík og Íslandi. Reykjavík var nú keypstaður, og er 1786 mett sum føðingarárið hjá Reykjavík. Men Reykjavík var enn undir tí danska kongsríkinum. Nógv fólk úr Danmark komu og høvdu verkevni í Íslandi. Men í 19. øld bilgdust hugsanir um sjálvstøðu millum íslendingar. Síðan Reykjavík var størsta bygd í landinum, vaks hugsanin um sjálvstøðu í Reykjavík. Í 1845 endurstovnaðu íslendingar í Reykjavík Alþingið (Løgtingið Íslandi), sum var gamalt løgting í Íslandi árið 930. Hetta „Alþingið“ var stovnað á Tingvellum fyrst, men í 1845 tað var í Reykjavík. Altingið var stovnð í Reykjavík í 1845, tí hon var var høvuðsstaður í Íslands.
Alþingið ella hitt íslendska løgting frá 1845 til 1874 hevði ikki løgstarv. Men í 1874 fekk Ísland stýrslagið og ið kom við løgstarv. Tann 1. desember 1918, Ísland var sjálvsálits land, men enn undir tí danska kongaríkinum. Hetta land æt Kongaríkið Íslands.
| 1801 | 600 |
| 1860 | 1 450 |
| 1901 | 6 321 |
| 1910 | 11 449 |
| 1920 | 17 450 |
| 1930 | 28 052 |
| 1940 | 38 308 |
| 1950 | 55.980 |
| 1960 | 72 407 |
| 1970 | 81 693 |
| 1980 | 83 766 |
| 1985 | 89 868 |
| 1990 | 97 569 |
| 1995 | 104 258 |
| 2000 | 110 852 |
| 2005 | 114 800 |
| 2006 | 115 420 |
| 2007 | 117 721 |
| 2008 | 120 000 |
Tað var heimskreppa í Reykjavík frá 1920 til 1930. Tá var stórt arbeiðsloysi. Hin 10. mai 1940, meðan Danmark var hersett av Týsklandi, kom seinni heimsbardagi til Íslands. Tað vóru 4 bretskir bátar sum komu á Reykjavíkar Havn. Eingin gjørdi mótstøðu. Bretland og Amerika gjørdu Keflavík flogvøllin og Reykjavík flogvøllin. Ísland vildi ikki luttaka í heimsbardaganum, og tí var landið og er enn í dag uttanveltað. Tað var eingin mótstøða í Reykjavík. Tað búðu líka nógvir bretskir og amerikanskir hermenn í Reykjavík undir Seinna Heimsbardaga, sum tað búðu íslendingar. Í 1904 fingu íslendingar heimastýri, og var skrivstova forsetisráðharrans í Reykjavík. Í 1944 gjørdist Ísland lýðveldi. Forseti Íslands fekk bústað á Bessastøðum tætt við Reykjavík, í bygdini Garðabær.
| Mánaður | Jan. | Feb. | Mar. | Apr. | Mai | Jun. | Jul. | Aug. | Sep. | Okt. | Nov. | Des. | Ár |
|---|---|---|---|---|---|---|---|---|---|---|---|---|---|
| Heitast | 2 °C | 2,5 °C | 4 °C | 6 °C | 10 °C | 12 °C | 14 °C | 14 °C | 11 °C | 7 °C | 4 °C | 2 °C | 7,4 °C |
| Kaldast | -2 °C | -2 °C | -1 °C | 1 °C | 4 °C | 7 °C | 9 °C | 8 °C | 6 °C | 3 °C | 0 °C | -1 °C | 2,7 °C |
| Avfall | 89 mm | 64 mm | 62 mm | 56 mm | 42 mm | 42 mm | 50 mm | 56 mm | 67 mm | 94 mm | 78 mm | 79 mm | 779 mm |
Hallgrímskirkja er størsta kirkjan í Reykjavík og í Íslandi, og er 74,5 metrar høg. Perlan liggur á einum heyggi nærindis, har tað er lætt at síggja allan býin Reykjavík. Tað eru eisini fleiri listasøvn í Reykjavík. Um náttina eru tað nógv fólk sum "djamma" í miðbýnum Reykjavík, ella 101 Reykjavík.
Tórshavn, Føroyar
Helsinki, Finland
Keypmannahavn, Danmark
Kingston upon Hull, Stóra Bretland
Nuuk, Grønland
Oslo, Noreg
Seattle, Sambandsríki Amerika
St. Petersburg, Russland
Stokkhólm, Svøríki
Vilnius, Litava
Winnipeg, KanadaSeamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
