Región Suðurdanmark

Región Suðurdanmark (á donskum máli: Region Syddanmark) fevnir um kommunurnar, ið vóru í fyrrverandi amtunum: Fyns, Ribe og Sønderjyllands amtum, umframt tær nú fyrrverandi kommunurnar: Børkop, Egtved, Fredericia, Give, Jelling, Kolding, Lunderskov, Vamdrup og Vejle, ið hoyrdu til Vejle Amt. Miðfyrisitingin hjá Regiónini liggur í Vejle.

Kort ið vísir, hvar ið Región Suðurdanmark er.

Í regiónini eru 22 kommunur, harav 3 tær fólkaríkastu eru Odense, Esbjerg og Vejle við ávikavist uml. 187 000, 114 000 og 105 000 íbúgvum. Fanø kommuna hevur lægsta fólkatal í regiónini við umleið 3 000 íbúgvum. 3 av teimum 22 kommununum í regiónini vórðu ikki lagdar saman við øðrum kommunum á tí seinasta kommunalreforminum: Odense, Fredericia og Fanø.

Við einum fólkatali á umleið 1,2 mio. er Región Suðurdanmark triðstørsta región í Danmark eftir Høvuðsstaðin (1,7 mio.) og Miðjútland (1,27 mio.) Eftir vídd er regiónen tann næststørsta við 12 191 km², bara Región Miðjútland er størri við 13 142 km².

Statsligar uppgávur í Región Suðurdanmark vera viðgjørdar í Statsforvaltning Suðurdanmark.

Kommunur í regiónini

Assens kommuna Billund kommuna Esbjerg kommuna Fanø kommuna Fredericia kommuna Faaborg-Midtfyn kommuna Haderslev kommuna Kerteminde kommuna Kolding kommuna Langeland kommuna Middelfart kommuna Nordfyns kommuna Nyborg kommuna Odense kommuna Svendborg kommuna Sønderborg kommuna Tønder kommuna Varde kommuna Vejen kommuna Vejle kommuna Ærø kommuna Aabenraa kommuna

Kommunurnar í Región Suðurdanmark

Keldur

Wikimedia Commons logo

Sí miðlasavnið

»Región Suðurdanmark« í Wikimedia Commons.