From Wikipedia, the free encyclopedia
Jalgpalli Õuruupa meistrevõistlusõq 2024 (inglüse keelen UEFA Euro 2024) olliq 17. jalgpalli miihi Õuruupa meistrevõistlusõq, miä peetiq 2024. aastaga 14. piimäkuu pääväst 14. hainakuu pääväniq S'aksamaal.
Neoq võistlusõq olliq aoluun kolmas kõrd, ku mänge peeti S'aksamaal. 1988. aastaga peetiq mängoq Õdagu-S'aksamaal, 2020. aastaga mängest, miä mängiti üle Õuruupa, peetiq S'aksamaal neli tükkü. Mängoq peeti kümnen liinan: Kölnin, Münchenin, Frankfurdin, Hamburgin, Dortmundin, Leipzigin, Gelsenkirchenin, Stuttgardin, Düsseldorfin ja Berliinin, viimätsen peeti ka finaal.
Umma tiitlit vai Õuruupa meistre avvunimme kaits' Itaalia, kiä võit 2021. aastaga peetü võistlusõ, tuu näil es õnnõstuq. Õuruupa meistrevõistluisi võitjas tull' Hispaania, kiä võit' finaalin Inglüsmaad 2:1.
Meistevõistluisil mängeq 24 riigi vai maa võistkunnaq: kõrraldajariik S'aksamaa ja viil Belgiä, Prantsusmaa, Portugal, Sotimaa, Hispaania, Türgü, Austria, Inglüsmaa, Ungari, Slovakkia, Albaania, Taani, Holland, Rumeeniä, Sveits, Itaalia, Sloveeniä, Horvaatia, Gruusia, Ukraina, Poola.
Neist riigest oll' Gruusia Õuruupa meistrevõistluisil edimäist kõrda. 1960. aastagast pääle om olnuq egä kõrd vähämbält üts riik, kiä varrampa ei olõq võistluisilõ päsenüq.
Suurist nimist ja kõvust miiskunnõst jalgpallin olliq puudu Roodsi, Kõmrimaa ja Vinnemaa. Ku edimädseq kats saiq umaq mängoq päähä, siis Vinnemaal keeleti ossavõtminõ ärq sõaga Ukrainalõ pääleminegi peräst.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
