From Wikipedia, the free encyclopedia
El Partido Socialista Obrero Español o PSOE (en estremeñu Partiu Socialista Obreru Español) es un partiu políticu español, d'ideologia socialdemócrata.
Hue hundau en 1879 por Pablo Iglesias, nun prencipiu comu partiu marxista de la crassi obrera, socialista revolucionariu, enque volucionará a tendencias reholmistas. Finalmenti, con Felipe González, nel 28º Congresu del partiu, en 1979, se termina acetandu la economia de mercau, renunciandu al marxismu. Nel intri que se consiguia la universalizacion de servicius socialis básicus, como la saniá, la educacion i las pensionis, adotaba una política económica que hue calificá por angunus utoris como socioliberal, eniciandu el processu de privatizacion de setoris públicus económicus del Estau.
Es unu los dos partius políticus mayoritarius d'España, juntu con el Partido Popular. Dende las elecionis generalis celebrás el 20 noviembri de 2011 es el partiu ena opossición. El PSOE á gobernau España duranti la mayol parti del régimin constitucional eniciau en 1978 (basau nuna monarquia parlamentaria), conas presiencias de Felipe González Márquez i José Luis Rodríguez Zapatero.
Holma parti del Partiu Socialista Uropeu i de la Internacional Socialista. La su organizacion juvenil sonin las Juventudis Socialistas d'España. Posei el récord en númeru de votus i tamien en porcentaji otenius en unas elecionis generalis en España: 11.288.698 votus (43,87 %) enas elecionis generales de 2008, i un 48,11 % (10.127.392 votus) enas Elecionis generalis d'España de 1982.
El PSOE está deviiu en federacionis, una por ca comuniá autónoma. La federacion estremeña del PSOE á gobernau la comuniá dendi la criación desta en 1983 i ata 2011. Tamien gobielna en albondu monícipius desta. El su presienti, Guillermo Fernández Vara, hue tamién presienti la Junta d'Estremaúra entri 2008 i 2011.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.