GnuLinEx es una distribución de software libri basá en Debian Linux.
| ||
| Desenroaol | Equipu de desarrollu de GNULinEx | |
| Moelu de desenroamientu | FOOS | |
| Núcleu | Linux | |
| Crassi de núcleu | Monolíticu | |
| Entrihazi gráfica por defetu | GNOME | |
| Licencia | GPL | |
| Versión última establi | 11 de hebreru de 2013 | |
| Estau atual | Discontinuá | |
| Página web | www.linex.org | |
Está apuchau pola Consegeria d'Infraestruturas i Desenroamientu Tecnológicu dela comunidá utónoma d'Estremaúra, siendu pioneru i secundau pol otrus olganismus púbricus i privaus del restu d'España. Duranti un periu considerabri e tiempu, la comuniá estremeña ofreció tamién apoyu a la d'Andaluzia (la cual s'ispiró en GnuLinex pa esarrollal Guadalinex) nel emprantaeru e solucionis abiertas en coléhius, alministración, ec.
La úrtima velsión estabri hue empuntá a internet el 9 d'Eneru de 2009, con Gnome 2.22, Xorg 7.3, i Kernel Debian-Lenny.
Prencipal software incluiu
En heneral, tolas velsionis gastan las siguientis apricacionis:
- Suite d'oficina e cóigu abiertu OpenOffice.org con :
- Procesaol de testus i eitol de HTML
- Pograma e cárculu
- Presentacionis
- Vezerus de correu eletrónicu i de USENET
- Escrucaol web, Iceweasel (Lenix), Firefox (2006), i Opera en velsionis anterioris a la 2006.
- Pogramas d'eición d'afotugráfias
- Gimp
Cabi destacal qu'el Linex Lenix gasta efetos Compiz i trai una tupa pogramas más que las velsionis anterioris de seri (Amule, Bittorrent Transmission, Amsn, Pidgin, Firestarter...), inque los nombris nu as siu estremeñizaus.
Vertuis
- Estabiliá
- Facil istalación
- Libri distribuieru i usu
- Práticamenti libri e virus enhormáticus
- Sin costis pol pagu e licéncias
- Adatación al español (los pogramas vinin arrepresentaus pol emportantis figuras la literatura, céncia, ec.)
Defetus
- En pocas tiendas se puei mercal un ordenaol con GnuLinEx preistalau. Esti "pobrema" es produtu los alcuerdus entri Microsoft i los fabricantis de hardware, nu e dengún sistema operativu.
- Los nombris duna tupa pogramas contenius ena distribución án siu chambaus pol otrus relacionaus con Estremaura, lo que puei hazel enteosu el usu u deprendiçahi en ocasionis, inque ena velsión 2004 s'á incluiu la posibiliá d'otal polos iconus i nombri orihinalis de tolas apricacionis incluias en GnuLinEx. De cualisquiel mó, albondus usuárius lo ven cumu una virtú, ya que les ayua a recuerdal las sus apricacionis preferias con nombris comunis i sin angricismus. Ena úrtima velsión de GNU Linex, los nombris nu ás siu estremeñizaus, haziendu mas acessibri el sistema operativu a los nu estremeñus.
Linex Colegius
Es una variación de GnuLinex orientá a los eucaoris. Está hormau pol tres perfilis d'usuáriu, ca unu dellus, pa un ciclu e primária. Tós están presonalizaus i llenus de contenius i software eucativu pa ca alunu.
Usuarius
En Mayu e 2003, s'abian distribuiu 200.000 CDs de LinEx de bardi pol mé los diárius localis, s'abian descargau 70.000 imahin del sistema operativu dendi el sitiu web la distribución. Alreol del 10% los abitantis d'Estremaura pudrian gastal LinEx.
Premius conseguíus
- Prémiu que concei la Asociación de Usuarios de las Telecomunicaciones (AUTEL) al esarrollu e servícius avançaus de Tenulohias la Enhormación i la Comunicación (Otubri e 2002)
- Prémiu la "Asociación de Usuarios Españoles de Linux (Hispalinux)" a la Hunta d'Estremaura, pol esarrollu e gnuLinEx (Noviembri e 2002)
- Prémiu "Computerworld 2003" a la Conseheria d'Eucáncia, Céncia i Tenulohia la Hunta d'Estremaura pola criación de gnuLinEx (Marçu e 2003)
- Prémiu "Vettonia, voz Castúa" al conseheru d'Eucáncia, Céncia i Tenulohia, conceiu pola "Agrupación Extremeña de Alcorcón", pol esarrollu e gnuLinEx (Húniu e 2003)
- Prémiu Uropeu la Enovación Rehional, Categoria e Socieá la Enhormación, otorgau pola Comisión Uropea nel marcu el Pograma Rehional Uropeu d'Acionis Enovaoras i entregau nel prenu el Comité las Rehionis, en Bruselas, el 22 d'Abril de 2004.
GnuLinEx enos Estitutus d'Educación Secundaria
Ogañu gnuLinEx s'alcuentra prencipalmenti enos estitutus púbricus d'eucáncia secundária la comuniá estremeña, cuentandu con un ordinaol (con gnuLinEx istalau) pol ca dos alunus u pol ca mesa, pa sel mas desatus.
Atijus p'ahuera
- http://www.linex.org Web oficial
- GnuLinEx Pyme
- https://web.archive.org/web/20120101104432/http://www.linexcolegios.com/: la web mas completa al tentu Linex Coléhius, con manualis, atihus, artículus...
- Entrevista a un profesol estremeñu d'ESO i Bachilleratu que gasta Linex nel aula
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
