Patxi López

Patxi López

Francisco Javier López Álvarez, Patxi López gisa ezaguna (Portugalete, Bizkaia, 1959ko urriaren 4a), politikaria da.

Patxi Lópezen esanak

2002

• "Euskadiko demokrazia itxurazkoa baino ez da".
  • Testuingurua: EAEko lehendakaria izan baino lehen, Madrilen emandako hitzaldi batean.
  • Iturria: www.abc.es (2002-05-10)

2008

• "Euskerak libertadea behar du".
  • Iturria: Youtube (2008-11-9)

2009

• "Behin eta berriz esan dut ez dugula Alderdi Popularrarekin (PP) akordiorik bilatuko, Euskadin egiten dakien bakarra antinazionalismoa eta antisozialismoa da eta".
  • 2009an Alderdi Popularraren botoei esker lehendakari bihurtu aurretik, YouTube.

• Euskadi da ideiengatik hiltzen den Europa osoko bazter bakarra. Faszismoaren eta garbiketa ideologikoaren azken gotorlekua da.

• Behin terrorista atxilotua, bertara bultzatu duen ideologia ezin dugu zigorgabe utzi
  • Terrorismoen biktimen omenaldian, 2009ko Azaroaren 29, Gazteizen toki izan zuena
  • Iturria:

• "Herritar baketsuok kalea gurea dela erakutsiko dugu".
  • Testuingurua: Gasteizko 2009ko jaietan, justu oporretara joan baino lehen.
  • Iturria: Berria (2009-08-06)

• "Microsoft da euskarazko bertsioa duen bakarra".
  • Testuingurua: Eusko Jaurlaritzak EAEko Lehen Hezkuntzako 5. mailako ikasleentzat erosi behar zituen ordenagailu nanoetako sistema eragileari buruz. Debian GNU/Linux sistema eragilea euskaraz ere badago.
  • Iturria: argia.com (2009-08-20)

• "Sakon-sakoneko Euskadin jaioa (...)".
  • Testuingurua: Ondarroan jaiotako Kirmen Uribe idazleari buruz.
  • Iturria: elpais.com (2009-10-15)

• "Zigorgabetasuna amaitu da".
  • Testuingurua: EAEko lehendakaria zela, Eduardo Puelles poliziaren hilketa salatzeko manifestazioan egindako hitzaldian, EAJren aurreko Eusko Jaurlaritzari erreferentzia eginez.
  • Iturria: publico.es (2009-06-20)

• "Zuk jakingo duzu!"
  • Testuingurua: 2009ko hauteskunde europarretan, botua ematera zihoalarik, "Non dago Jon?" galdetu ziotenean, Jon Anza desagertutako ETAkideari buruz.
  • Iturria: www.elcorreodigital.com (2009-06-08)

2010

• "Ni Ezkerraldekoa naiz, euskara inoiz hitz egin ez den eremu batekoa. Eta euskara zaila da. Gainera, askotan egiten dut piper klaseetan [barrezka]".
  • Testuingurua: "Eta zu, lehendakari, zer moduz euskara klaseekin?" galderari egindako erantzuna, Vocento taldeko asteburuetako aldizkarian. Lopezen euskarazko klaseak 36.000 euro kostatzen dira urtean, eta Jaurlaritzak ordaintzen ditu.
  • Iturria: xlsemanal (2010-04-25). Euskaraz: Berria (2010-04-27)

2011

• "Indarkeriaren bukaerak mesede egingo dio euskalgintzari".
  • Iturria: Berria (2011-01-25)
• «"Eman eta zabal zazu munduan frutua" esan zuen Chillidak. Gaur Basque Culinary Center euskal arbolaren irudi eta adierazpen ezin hobea dugu.»
  • Testuingurua: Basque Culinary Center fakultatea inauguratu zela eta, Twitterren Patxi Lopez lehendakariak idatzia. Esaldiaren egilea Jose Maria Iparragirre izan zen.
  • Iturria: Sustatu (2011-09-26)

Patxi Lópezi buruzko esanak

• "Ni konformatuko nintzateke [euskararekiko] jarrera positiboa erakutsiko balu eta ahalegina egingo balu". - Ramón Etxezarreta
  • Testuingurua: Hizkuntza Politikarako sailburuorde oraindik zela, Goiena Telebistarako elkarrizketa batean, hurrengo galderari erantzunez: "Ikasiko al du euskara Patxi López lehendakariak legegintzaldiaren amaierarako?".
  • Iturria: goiena.net

• "Patxi Lopezen ezaugarri politiko nagusia iruzurra da". - Josu Erkoreka
  • Iturria: Argia (2010-05-09)

• "Xarmarik baldin badu Pachi Lopez lehendakari sozialistak, Aitorren hizkuntza bedeinkatuan duen ezjakintasuna da, eta orain ikastera mehatxatua sentituko da". - Jon Juaristi
  • Iturria: abc.es (2009-7-5)

Kanpo loturak

Wikipedian artikulu bat dago honi buruz: Patxi López

Commonsen artxibo gehiago dago: Patxi López