Sinaloa Mexikoko 31 estatu federaletako bat da, herrialdearen ipar-mendebaldean dagoena, Kaliforniako golkoaren ertzean. Sonorarekin du muga iparraldean, Chihuahua eta Durangorekin ekialdean eta Nayaritekin hegoaldean. 57.377 kilometro koadroko eremua hartzen du, eta 2.767.761 biztanle zituen 2010ean. Hiriburua, eta estatuko hiri handiena, Culiacán Rosales da, nekazaritza eta industriagune garrantzitsua. Horren ondotik datoz Mazatlán eta Los Mochis.